ജൂബിലി വർഷം 2025 - ഒരു സംക്ഷിപ്ത വിവരണം

    കത്തോലിക്കാ സഭ സുപ്രധാനമായ ഒരു ആഘോഷത്തിന് തയ്യാറെടുക്കുകയാണ്: ക്രിസ്തു ജയന്തിയുടെ 2025 വർഷങ്ങൾ - ജൂബിലി 2025. കൃപയുടെയും ആത്മീയ നവീകരണത്തിൻ്റെയും ഒരു വിശുദ്ധ വർഷം. 'പ്രത്യാശ ഒരിക്കലും നിരാശപ്പെടുത്തുന്നില്ല' എന്നർത്ഥം വരുന്ന Spes non Confundit എന്ന പേപ്പൽ ബൂളയിലൂടെയാണ് ഫ്രാൻസിസ് മാർപാപ്പ ഈ വിശുദ്ധ വർഷത്തിൻ്റെ പ്രഖ്യാപനം ഔപചാരികമായി നടത്തിയത്. (ബൂള = മാര്‍പ്പാപ്പ ഔദ്യോഗികമായി അയയ്ക്കുന്ന കത്ത്) 2024 മെയ് 9 ന് പ്രസിദ്ധീകരിക്കപ്പെട്ട ഈ പ്രമാണരേഖ ജൂബിലി ആചരണത്തിൻ്റെ പ്രാധാന്യം വ്യക്തമാക്കുകയും അതിൻ്റെ ആചരണം എങ്ങനെ ആയിരിക്കണമെന്ന് നിർദ്ദേശിക്കുകയും ചെയ്യുന്നു.

2025 ജൂബിലിയുടെ സമാരംഭം

    2024 ഡിസംബർ 24-ന് ക്രിസ്തുമസ് സന്ധ്യയിൽ സെൻ്റ് പീറ്റേഴ്‌സ് ബസിലിക്കയിൽ ജൂബിലിയുടെ വിശുദ്ധ വാതിൽ തുറക്കുന്നതോടെ ജൂബിലി വർഷം ഔദ്യോഗികമായി ആരംഭിക്കും. ഈ ആചാരണത്തിലൂടെ, പ്രതീകാത്മകമായി, സഭ ഒന്നാകെ ക്രിസ്തുവിനെ രക്ഷയുടെ 'വാതിൽ' ആയി പ്രഘോഷിക്കുകയും ആത്മീയ നവീകരണത്തിൻ്റെ യാത്രയിലേക്ക് എല്ലാ  വിശ്വാസികളെയും ക്ഷണിക്കുകയും ചെയ്യുന്നു. “പ്രത്യാശ നിരാശപ്പെടുത്തുന്നില്ല” എന്ന പ്രമേയം തിരുവെഴുത്തുകളിൽ ആഴത്തിൽ വേരൂന്നിയതാണ്. പ്രത്യേകിച്ച് പൗലോസ് ശ്ലീഹ റോമാക്കാർക്ക് എഴുതിയ ലേഖനത്തിൽ (റോമാ 5:5), പരിശുദ്ധാത്മാവിലൂടെ നമ്മുടെ ഹൃദയങ്ങളിൽ നിറയുന്ന പ്രത്യാശയെക്കുറിച്ചു പറയുന്നുണ്ട്. ലോകമെമ്പാടുമുള്ള എല്ലാ കത്തോലിക്കാ കത്തീഡ്രലുകളിലും 2024 ഡിസംബർ 29-ന് ആഘോഷമായ ദിവ്യബലി നടത്തുകയും അങ്ങനെ ഈ ആഘോഷം ഓരോ രൂപതയിലും ജൂബിലി വർഷത്തിൻ്റെ പ്രാദേശിക തുടക്കത്തെ അടയാളപ്പെടുത്തുകയും ചെയ്യണമെന്ന നിർദ്ദേശവും മാർപാപ്പ നൽകുന്നുണ്ട്. അത് ആഗോള കത്തോലിക്ക സമൂഹത്തിൻ്റെ സ്നേഹത്തിൻ്റെയും, ഐക്യത്തിൻ്റെയും, ഒന്നിച്ചുള്ള പ്രാർത്ഥനയുടെയും പ്രതിഫലനമായി മാറും എന്ന് അദ്ദേഹം പ്രത്യാശിക്കുന്നു.

ജൂബിലി വർഷങ്ങളുടെ പാരമ്പര്യം
    കത്തോലിക്കാ സഭയിലെ ജൂബിലി വർഷം കൃപയുടെയും, കൃതജ്ഞതയുടെയും, അനുരഞ്ജനത്തിൻ്റെയും തീർത്ഥാടനത്തിൻ്റെയും ഒരു പ്രത്യേക ആഘോഷമാണ്. പരമ്പരാഗതമായി 25 വർഷത്തിലൊരിക്കൽ ആണ് ഈ ജൂബിലി ആഘോഷം നടത്തുന്നത്. ദൈവവുമായും സഹജീവികളുമായും അനുരഞ്ജനം തേടാനും, ദൈവവുമായുള്ള അവരുടെ ബന്ധം കൂടുതൽ ആഴത്തിലാക്കാനും വിശ്വാസികൾക്ക് ഈ ആഘോഷങ്ങൾ അവസരം ഒരുക്കുന്നു. സാധാരണ ജൂബിലി വർഷങ്ങൾക്ക് ഈ പതിവ് മാതൃക പിന്തുടരുമ്പോൾ, പ്രത്യേക ആത്മീയ ആവശ്യങ്ങൾ അഭിസംബോധന ചെയ്യാൻ 'അസാധാരണമായ ജൂബിലി' വർഷങ്ങൾ മാർപാപ്പമാർ പ്രഖ്യാപിക്കാറുണ്ട്. ഉദാഹരണത്തിന്, 2016-ലെ കരുണയുടെ വർഷം ഫ്രാൻസിസ് മാർപാപ്പ പ്രഖ്യാപിച്ച അസാധാരണ ജൂബിലി വർഷം ആയിരുന്നു. നാം ജീവിക്കുന്ന ഈ വർത്തമാന കാലത്ത്, ദൈവത്തിൻ്റെ കരുണയിലും വിശ്വാസത്തിൻ്റെ പ്രാധാന്യത്തിലും ശ്രദ്ധ കേന്ദ്രീകരിക്കാൻ ഈ ജൂബിലി വിശ്വാസികളെ പ്രോത്സാഹിപ്പിച്ചു. വിശുദ്ധ ജോൺ പോൾ രണ്ടാമൻ മാർപാപ്പയുടെ നേതൃത്വത്തിൽ നടന്ന 2000-ലെ മഹാ ജൂബിലിക്ക് ശേഷം, 2025 ജൂബിലി, 21-ാം നൂറ്റാണ്ടിലെ ആദ്യത്തെ സാധാരണ ജൂബിലിയെ അടയാളപ്പെടുത്തുന്നു. മഹാ ജൂബിലി ആചരണം, പുതിയ സഹസ്രാബ്ദത്തിൻ്റെ ഉദയം ആഘോഷിക്കുകയും, ക്രിസ്തുവിനോടുള്ള പ്രതിബദ്ധത പുതുക്കാൻ വിശ്വാസികളെ പ്രാപ്തരാക്കുകയും ചെയ്തു.

വിശുദ്ധ വാതിലിൻ്റെ പ്രാധാന്യം
    ജൂബിലി ആഘോഷങ്ങളുടെ ഒരു പ്രധാന ശ്രദ്ധാകേന്ദ്രം, വിശുദ്ധ വാതിൽ (Holy Door) ആണ്, റോമിലെ പ്രധാന ബസിലിക്കകളിൽ പരമ്പരാഗതമായി മുദ്രയിട്ട് അടച്ചിട്ടിരിക്കുന്നതും, ജൂബിലി വർഷങ്ങളിൽ മാത്രം തുറക്കുന്നതുമായ ഒരു വാതിൽ. ശരിയായ ആത്മീയ മനോഭാവങ്ങളോടെ ഈ വാതിലിലൂടെ കടന്നുപോകുന്ന തീർത്ഥാടകർക്ക് പൂർണ്ണമായ ദണ്ഡവിമോചനം ലഭിക്കും എന്ന് സഭ പഠിപ്പിക്കുന്നു. 2024 ഡിസംബർ 24-ന് സെൻ്റ് പീറ്റേഴ്‌സ് ബസിലിക്കയിലെ വിശുദ്ധ വാതിൽ മാർപ്പാപ്പ തുറക്കുന്നത് ജൂബിലി വർഷത്തിൻ്റെ ആരംഭത്തെ സൂചിപ്പിക്കുന്ന ഒരു ആചാരപരമായ പ്രവൃത്തിയാണ്. ക്രിസ്തുവുമായുള്ള ആഴത്തിലുള്ള കൂട്ടായ്മയിലേക്ക് സഭാംഗങ്ങൾ ഒരുമിച്ച് പ്രവേശിക്കുന്നതിൻ്റെ പ്രതീകാത്മകമായ ആചാരം എന്ന നിലയിൽ, ഈ വാതിലിലൂടെ നടക്കാൻ എല്ലാ വിശ്വാസികൾക്കും ഉള്ള ക്ഷണമാണിത്.

ആഗോളസഭയിലെ ആഘോഷങ്ങൾ
    2025 ജൂബിലിയുടെ സാർവത്രിക സ്വഭാവം വ്യക്തമാക്കുന്നതിന് , ലോകമെമ്പാടുമുള്ള എല്ലാ കത്തോലിക്കാ കത്തീഡ്രലുകളിലും 2024 ഡിസംബർ 29-ന് ജൂബിലി വർഷത്തിൻ്റെ യുക്തമായ ഉദ്ഘാടനം ആഘോഷിക്കണമെന്ന് ഫ്രാൻസിസ് മാർപാപ്പ നിർദ്ദേശിച്ചു. ജൂബിലിയുടെ ആത്മീയ നേട്ടങ്ങൾ എല്ലാ വിശ്വാസികൾക്കും പ്രാപ്യമാണെന്ന് ഇത് ഉറപ്പാക്കുന്നു. റോമിലേക്ക് യാത്ര ചെയ്യുവാനും അവിടുത്തെ വിശുദ്ധ വാതിലിലൂടെ പ്രവേശിക്കാനും എല്ലാവർക്കും കഴിഞ്ഞെന്നു വരില്ല. പ്രാദേശിക സഭകളിലെ ഈ പ്രത്യേക ആഘോഷങ്ങൾ അതിനായി അവരെ പ്രാപ്തരാക്കുകയും, അവരുടെ ആഘോഷങ്ങളിൽ പ്രാദേശിക പാരമ്പര്യങ്ങൾ ഉൾപ്പെടുത്താൻ അവസരം നൽകുകയും ചെയ്യുന്നു. അങ്ങനെ വൈവിധ്യമാർന്ന സാംസ്കാരിക പ്രകടനങ്ങളിലൂടെ ഈ ആഘോഷത്തെ വിശ്വാസത്തിൻ്റെ ഊർജ്ജസ്വലമായ പ്രകടനമാക്കി മാറ്റാൻ സാഹചര്യമൊരുങ്ങുന്നു. ആഗോള പങ്കാളിത്തത്തിന് മാർപ്പാപ്പ നൽകുന്ന ഈ ഊന്നൽ, വൈവിധ്യത്താൽ സമ്പന്നമായ ഒരു സഭയെക്കുറിച്ചുള്ള അദ്ദേഹത്തിൻ്റെ - സഭയുടെ - വിശാലമായ കാഴ്ചപ്പാടിനെ പ്രതിഫലിപ്പിക്കുന്നതാണ്.

ആത്മീയ വളർച്ചയ്ക്കുള്ള അവസരങ്ങൾ
    ജൂബിലി 2025 ആഘോഷങ്ങൾ ആത്മീയ വളർച്ചയ്ക്കും നവീകരണത്തിനും ധാരാളം അവസരങ്ങൾ നൽകും. പ്രത്യാശ എന്ന വിഷയത്തിൽ ശ്രദ്ധ കേന്ദ്രീകരിച്ച്, ധ്യാനങ്ങൾ, കർമ്മ പദ്ധതികൾ, വിശ്വാസ പരിശീലന പരിപാടികൾ എന്നിവ സംഘടിപ്പിക്കാൻ പ്രാദേശിക സഭകളും, രൂപതകളും, ഇടവകകളും ശ്രദ്ധിക്കേണ്ടതാണെന്ന് മാർപാപ്പ ഓർമ്മപ്പെടുത്തുന്നു. കൂടാതെ, അനുരഞ്ജനത്തിൻ്റെ കൂദാശയ്ക്ക് ഊന്നൽ നൽകുകയും, ദൈവത്തിൻ്റെ അതിരുകളില്ലാത്ത കരുണയെക്കുറിച്ച് വിശ്വാസികളെ ഓർമ്മിപ്പിക്കുകയും ചെയ്യണം. തങ്ങളുടെ വ്യക്തിപരവും സാമൂഹികവുമായ വിശ്വാസയാത്രയെക്കുറിച്ച് ആഴത്തിൽ ചിന്തിക്കാൻ ഈ സമയം ഉപയോഗിക്കണമെന്ന് ഫ്രാൻസിസ് മാർപാപ്പ വിശ്വാസികളെ ആഹ്വാനം ചെയ്യുന്നു. പ്രത്യാശയുടെയും സ്നേഹത്തിൻ്റെയും മൂർത്തമായ പ്രകടനങ്ങളായ ജീവകാരുണ്യ പ്രവർത്തനങ്ങളും, സേവന പദ്ധതികളും ഈ ജൂബിലി വർഷത്തിൽ കൂടുതലായി ചെയ്യേണ്ടതുണ്ടെന്ന് മാർപാപ്പ സഭ മുഴുവനും ഓർമ്മപ്പെടുത്തുന്നു.

"പ്രത്യാശയുടെ തീർത്ഥാടകർ": 2025 ജൂബിലി വർഷത്തിൻ്റെ ആപ്തവാക്യം
    2025 ജൂബിലി വർഷത്തിൻ്റെ ആപ്തവാക്യം "പ്രത്യാശയുടെ തീർത്ഥാടകർ" എന്നതാണ്. സ്വയം നവീകരിക്കപ്പെടാനും, ദൈവവുമായുള്ള ബന്ധത്തിൽ ആഴപ്പെടാനും, അതുവഴി അവരുടെ ആത്മീയ യാത്രയിൽ കൂടുതൽ ശക്തിപ്പെടാനും, പ്രത്യാശയോടെ മുന്നോട്ടുനീങ്ങുവാനും ഈ ആപ്തവാക്യം എല്ലാ വിശ്വാസികളെയും ക്ഷണിക്കുന്നു. ഒപ്പം തന്നെ, ഈ ആപ്തവാക്യം, എല്ലാ വിശ്വാസികളെയും ഒരു തീർത്ഥാടക സംഘത്തെപ്പോലെ ഒരുമിച്ച്, വിശ്വാസത്തിൽ സഞ്ചരിക്കാൻ ക്ഷണിക്കുന്നു. പ്രത്യേകിച്ച്, വെല്ലുവിളികൾ നിറഞ്ഞ ഈ വർത്തമാന ലോകത്തിൽ, ഒരുമിച്ച് നടക്കുന്നതിനും പ്രത്യാശയുടെ പരിവർത്തന ശക്തിയാൽ നയിക്കപ്പെടുന്നത്തിനും പ്രത്യേകമായ പ്രാധാന്യമുണ്ട്. ഒപ്പം തന്നെ, ലോകത്തിൽ പ്രത്യാശയുടെ സാക്ഷികളാകാനുള്ള ആഹ്വാനവുമായി ഒത്തുചേരുന്ന ഈ ജൂബിലി, സ്നേഹവും, ഐക്യവും, ജീവകാരുണ്യ പ്രവർത്തനങ്ങളും വഴി, ക്രിസ്തുവിൽ നാം കണ്ടെത്തുന്ന സന്തോഷത്തിൻ്റെയും കൃപയുടെയും പുനർനിർമ്മാണത്തെയും ലക്ഷ്യം വയ്ക്കുന്നു. കൂടാതെ, വിശ്വാസ സമൂഹത്തിന്, പാപമോചനത്തിലൂടെ അനുരഞ്ജനത്തിൻ്റെ പാതയിലേക്ക് കടന്നു വരാൻ കഴിയുന്ന കൃപയുടെ സമയമാണിത്. അതുകൊണ്ടുതന്നെ, യുദ്ധങ്ങൾ, COVID-19 മഹാവ്യാധി, കാലാവസ്ഥാ വ്യതിയാനം എന്നിവയുടെയൊക്കെ പ്രത്യാഘാതങ്ങൾ നേരിടുന്ന ഇന്നിന്റെ സമൂഹത്തിന്, ഈ ജൂബിലി 2025 പ്രതീക്ഷയുടെ വർഷമാണ്.

ജൂബിലി ലോഗോ
  പ്രത്യാശയുടെയും രക്ഷയുടെയും ഉറവിടമായി ക്രിസ്തുവിനെ പ്രതിനിധീകരിക്കുന്ന ചലനാത്മകമായ ഒരു കുരിശ് ആണ് ജൂബിലി 2025-ൻ്റെ ലോഗോയുടെ മധ്യഭാഗത്ത് ഉള്ളത്. ലോഗോയിൽ ഭൂമിയുടെ നാല് കോണുകളിൽ നിന്ന് വരുന്ന, മുഴുവൻ മനുഷ്യരാശിയെയും പ്രതിനിധീകരിക്കുന്ന നാല് മനുഷ്യ രൂപങ്ങൾ ഉണ്ട്. ഈ രൂപങ്ങൾ ഒരു ഒരു വൃത്തം രൂപീകരിക്കുന്നു. ഈ വൃത്തം സഭയുടെ ഐക്യം, സാർവത്രികത, എല്ലാവരെയും ഉൾക്കൊള്ളുന്ന മനോഭാവം, തീർത്ഥാടന സ്വഭാവം എന്നിവയെ ആണ് സൂചിപ്പിക്കുന്നത്. എല്ലാ ജനങ്ങളെയും ഒന്നിപ്പിക്കേണ്ട ഐക്യദാർഢ്യവും സാഹോദര്യവും സൂചിപ്പിക്കാൻ ഈ നാലു പേരും പരസ്പരം ആലിംഗനം ചെയ്യുന്നുണ്ട്. മുന്നിലെ വ്യക്തി കുരിശിൽ ആലിംഗനം ചെയ്ത് പിടിച്ചിരിക്കുന്നു. ഈ ആലിംഗനം വിശ്വാസത്തിൻ്റെ അടയാളം മാത്രമല്ല, ഒരിക്കലും ഉപേക്ഷിക്കാൻ കഴിയാത്ത പ്രത്യാശയുടെ അടയാളം കൂടിയാണ് അത്; കാരണം നമ്മുടെ ജീവിതത്തിലെ ഏറ്റവും ബുദ്ധിമുട്ടേറിയ നിമിഷങ്ങളിൽ പ്രത്യാശ തളരാതെ നമ്മെ മുന്നോട്ട് നയിക്കും. ജീവിത തീർത്ഥാടനം എല്ലായ്പ്പോഴും ശാന്തമായും സുഗമമായും നടക്കുന്നില്ല എന്ന വസ്തുതയെ സൂചിപ്പിക്കുന്ന പരുക്കൻ തിരമാലകൾ ഇവിടെ കാണാം. കുരിശിൻ്റെ താഴത്തെ ഭാഗം നീളമേറിയതും തിരമാലകളിലേക്ക് നീണ്ടുനിൽക്കുന്ന നങ്കൂരത്തിൻ്റെ ആകൃതിയിലേക്ക് മാറിയതും പ്രത്യേകം ശ്രദ്ധിക്കേണ്ടതാണ്. നങ്കൂരം പ്രത്യാശയുടെ പ്രതീകമായി അറിയപ്പെടുന്നു. തിരമാലകളും കൊടുങ്കാറ്റുകളും അലട്ടുന്ന ഈ ലോകയാത്രയിൽ, പ്രത്യാശയാകുന്ന നങ്കൂരമിട്ട് നിൽക്കുന്ന കുരിശ് ഓരോ വ്യക്തിക്കും പ്രത്യാശയുടെ ഉറപ്പുള്ള അഭയകേന്ദ്രമാണ്. ലോഗോയുടെ ചുവടെ 2025 ജൂബിലി വർഷത്തിൻ്റെ മുദ്രാവാക്യം പച്ച അക്ഷരങ്ങളിൽ എഴുതിയിരിക്കുന്നു: Pilgrims of Hope (പ്രത്യാശയുടെ തീർത്ഥാടകർ). ഈ ലോഗോയുടെ ഊർജ്ജസ്വലമായ ബഹുവർണ്ണ രൂപകല്പന ആഗോള കത്തോലിക്കാ സമൂഹത്തിനുള്ളിലെ സന്തോഷവും സംസ്കാരങ്ങളുടെ വൈവിധ്യവും പ്രതിഫലിപ്പിക്കുന്നു. ചുരുക്കത്തിൽ ജൂബിലി ആഘോഷങ്ങളുടെ ചൈതന്യവും, 'പ്രത്യാശയുടെ തീർത്ഥാടകർ' എന്ന ജൂബിലിയുടെ ആപ്തവാക്യവും വളരെ കൃത്യമായി ദ്യോതിപ്പിക്കുന്ന ഒരു ലോഗോയാണ് ഇത്.

ജൂബിലി പ്രഖ്യാപിച്ചു കൊണ്ടുള്ള Spes non Confundit എന്ന പേപ്പൽ ബൂളയുടെ സംക്ഷിപ്തം
    ജൂബിലി 2025 ഔപചാരികമായി പ്രഖ്യാപിച്ചു കൊണ്ട് 2024 മെയ് 9 ന് ഫ്രാൻസിസ് മാർപാപ്പ സ്പെസ് നോൺ കോൺഫുന്തിത് എന്നപേരിൽ ഒരു പേപ്പൽ ബൂള പുറത്തിറക്കി.
വിശുദ്ധ പൗലോസ് ശ്ലീഹ റോമാക്കാർക്ക് എഴുതിയ ലേഖനം, അഞ്ചാം അധ്യായം അഞ്ചാം വാക്യം, "പ്രത്യാശ ഒരിക്കലും നിരാശപ്പെടുത്തുന്നില്ല" എന്ന വാക്യത്തോടെയാണ് ഈ ലേഖനം ആരംഭിക്കുന്നത്. ദൈവസ്നേഹം ഒരിക്കലും നിരാശപ്പെടുത്താത്ത അചഞ്ചലമായ പ്രത്യാശയുടെ ഉറവിടമാണെന്ന് പ്രമാണം ഊന്നിപ്പറയുന്നു. 25 ഖണ്ഡികകൾ മാത്രം ഉൾക്കൊള്ളുന്ന ഈ ചെറു ലേഖനം ജൂബിലി വർഷത്തിന്റെ പ്രാധാന്യവും അതിന്റെ ആചരണത്തിൽ ശ്രദ്ധിക്കേണ്ട കാര്യങ്ങളും അതിന്റെ നടത്തിപ്പു രീതികളും വിശദമായി പ്രതിപാദിക്കുന്നു. പ്രത്യാശയുടെ ഒരു വാക്ക്, പ്രത്യാശയുടെ ഒരു യാത്ര, പ്രത്യാശയുടെ അടയാളങ്ങൾ, പ്രത്യാശയോടെയുള്ള അപേക്ഷകൾ, പ്രത്യാശയിൽ നങ്കൂരമിടുക എന്നീ 5 ഉപ ശീർഷകങ്ങളിലാണ് ഈ ലേഖനം മുന്നോട്ടുപോകുന്നത്.

1. പ്രത്യാശയുടെ ഒരു വാക്ക്
    പരീക്ഷണങ്ങൾക്കിടയിലും പ്രത്യാശ നിലനിർത്തുന്ന ദൈവസ്നേഹത്തിൽ വിശ്വാസമർപ്പിക്കാൻ റോമാക്കാരെ ഉദ്ബോധിപ്പിച്ച പൗലോസ് ശ്ലീഹായുടെ വാക്കുകളോടെയാണ് (റോമാ 5:5) ഫ്രാൻസിസ് മാർപാപ്പ ഈ ലേഖനം ആരംഭിക്കുന്നത്. ഭയവും അനിശ്ചിതത്വങ്ങളും നിറയുന്ന ഒരു ലോകത്ത് പ്രത്യാശയുടെ കിരണങ്ങളെ പുനരുജ്ജീവിപ്പിക്കുക എന്നതാണ് ഈ ജൂബിലി ലക്ഷ്യമിടുന്നത് എന്ന് ഇവിടെ ഫ്രാൻസിസ് മാർപാപ്പ സഭയെ മുഴുവൻ ഉദ്ബോധിപ്പിക്കുന്നു.

2. പ്രതീക്ഷയുടെ ഒരു യാത്ര
    ജീവിത പരിവർത്തനത്തിന്റെയും ആത്മീയ നവീകരണത്തിൻ്റെയും സുപ്രധാനമായ മാർഗം അനുരഞ്ജനത്തിൻ്റെ കൂദാശയാണ്. ജീവിതത്തിന്റെ നിരാശകളിൽ ദൈവ കരുണയിൽ ആശ്രയം വെക്കാൻ ഈ കൂദാശ നമുക്ക് അവസരം ഒരുക്കുന്നു. ഈ ജൂബിലി ആഘോഷങ്ങൾ അനുരഞ്ജന കൂദാശയുടെ സ്വീകരണത്തിനും ജീവിത നവീകരണത്തിനും എല്ലാ വിശ്വാസികൾക്കും കാരണമാകണമെന്ന് ഫ്രാൻസിസ് മാർപാപ്പ നമ്മെ ഓർമ്മപ്പെടുത്തുകയാണ്.

3. പ്രതീക്ഷയുടെ അടയാളങ്ങൾ
    സഭ മനസ്സിലാക്കുകയും പരിശ്രമിക്കുകയും ചെയ്യേണ്ട പ്രത്യാശയുടെ ചില മൂർത്തമായ അടയാളങ്ങൾ മാർപ്പാപ്പ ഇവിടെ അവതരിപ്പിക്കുന്നു. തടവുകാർ, കുടിയേറ്റക്കാർ, പ്രായമായവർ, ദരിദ്രർ എന്നിവരുൾപ്പെടെ പാർശ്വവൽക്കരിക്കപ്പെട്ടവരുടെ കഷ്ടപ്പാടുകൾ ലഘൂകരിക്കാനുള്ള സംരംഭങ്ങൾക്ക് ഈ ജൂബിലി വർഷത്തിൽ സഭ കൂടുതൽ ഊന്നൽ നൽകണം . സമാധാനം, പാരിസ്ഥിതിക സംരക്ഷണം, മനുഷ്യൻ്റെ അന്തസ്സ് സംരക്ഷിക്കൽ എന്നിവ പ്രോത്സാഹിപ്പിക്കുന്നതിനുള്ള ശ്രമങ്ങളിലും സഭ മുന്നിൽ നിന്ന് നയിക്കണം. കുറഞ്ഞുവരുന്ന ജനനനിരക്കിനും പ്രായമായവർ നേരിടുന്ന ഏകാന്തതയ്ക്കും പരിഹാരം കാണേണ്ടതിൻ്റെ അടിയന്തിര ആവശ്യത്തിന് അദ്ദേഹം അടിവരയിടുന്നു. യുവജനങ്ങളെ പ്രചോദിപ്പിക്കാനും അവർക്ക് പ്രതീക്ഷാനിർഭരമായ ഭാവി കെട്ടിപ്പടുക്കാനുള്ള അവസരങ്ങൾ നൽകാനും സഭയോട് അടിയന്തരമായി അദ്ദേഹം ആവശ്യപ്പെടുന്നു.

4. പ്രത്യാശയോടെയുള്ള അപേക്ഷകൾ
    ദരിദ്ര രാജ്യങ്ങളുടെ തിരിച്ചടയ്ക്കാനാവാത്ത കടങ്ങൾ റദ്ദാക്കാനും, പാരിസ്ഥിതിക അനീതികൾ പരിഹരിക്കാനും സമ്പന്ന രാജ്യങ്ങളോട് ഫ്രാൻസിസ് മാർപാപ്പ അഭ്യർത്ഥിക്കുന്നു. പരിഹരിക്കാൻ ഒരു ആഗോള ഐക്യദാർഢ്യം ഉണ്ടാകേണ്ടതാണെന്ന് അദ്ദേഹം മനസ്സിലാക്കുന്നു. ക്രൈസ്തവ ഐക്യത്തിൻ്റെ നാഴികക്കല്ലായ ഒന്നാം നിഖ്യ സുനഹദോസിന്റെ 1700-ാം വാർഷികത്തോടനുബന്ധിച്ചാണ് ജൂബിലി നടക്കുന്നത് എന്ന വസ്തുതയും അദ്ദേഹം ഓർമിക്കുന്നുണ്ട്. എക്യുമെനിക്കൽ സംരംഭങ്ങളിലും സഭകളുടെ ഐക്യത്തിലും മുന്നേറാനുള്ള ഒരു വേദിയായി ജൂബിലി ഉപയോഗിക്കാൻ മാർപ്പാപ്പ എല്ലാ ക്രിസ്ത്യാനികളെയും ക്ഷണിക്കുന്നു.

5. പ്രത്യാശയിൽ നങ്കൂരമിടുക
    ക്രിസ്തീയ പ്രത്യാശ യേശുവിൻ്റെ മരണത്തിലും പുനരുത്ഥാനത്തിലും അധിഷ്ഠിതമാണ്, അത് നിത്യജീവൻ്റെ ഉറപ്പ് നൽകുന്നു. പ്രത്യാശ ജീവിതത്തെയും മരണത്തെയും പരിവർത്തനം ചെയ്യുന്നു. ക്രിസ്തുവിൻ്റെ മടങ്ങിവരവിൻ്റെ സന്തോഷകരമായ പ്രതീക്ഷയിൽ ജീവിക്കാൻ അത്അചഞ്ചലമായ പ്രത്യാശയുടെ സാക്ഷികളായി, വിശ്വാസത്തിൽ ഉറച്ചുനിൽക്കാൻരക്തസാക്ഷികൾ വിശ്വാസികളെ പ്രേരിപ്പിക്കുന്നു. "പ്രത്യാശയുടെ അമ്മ" യായ മറിയം ജൂബിലിയിലെ ഒരു കേന്ദ്ര വ്യക്തിയാണ്. കഷ്ടപ്പാടുകൾക്കിടയിലും അവളുടെ ഉറച്ച വിശ്വാസം എല്ലാ വിശ്വാസികൾക്കും ഒരു മാതൃകയാണ്.

ഉപസംഹാരം
    ക്രിസ്തുവിനോടുള്ള നവീകരിക്കപ്പെട്ട ഒരു പ്രതിബദ്ധത വളർത്തിയെടുത്തു കൊണ്ട് ആഗോള സഭയ്ക്കുള്ളിൽ ബന്ധങ്ങൾ ശക്തിപ്പെടുത്തുകയും പ്രശ്‌നബാധിതമായ ലോകത്ത് പ്രത്യാശയുടെ വാഹകരാകാൻ വിശ്വാസികളെ പ്രചോദിപ്പിക്കുകയും ചെയ്യുന്ന, ഐക്യത്തോടെയുള്ള ഒരു ആത്മീയ സംരംഭമായാണ് 2025 ജൂബിലിയെ ഫ്രാൻസിസ് മാർപാപ്പ വിഭാവനം ചെയ്യുന്നത്. പ്രത്യാശയുടെ തീർത്ഥാടകർ എന്ന ആപ്തവാക്യത്തിന് യോജിക്കും വിധം, ജീവിത നവീകരണത്തിൽ ഊന്നിയ പ്രത്യാശയോടെ, ഓരോ ക്രൈസ്തവനും ഈ ലോകത്തിൽ ജീവിക്കാൻ കഴിയുമ്പോൾ, ആ പ്രത്യാശ ഈ ലോകത്തിനു മുഴുവൻ പകർന്നു കൊടുക്കാൻ അവർക്ക് കഴിയുമ്പോൾ, ഈ ജൂബിലി ആഘോഷങ്ങൾ തീർത്തും അർത്ഥവത്തായി തീരും.

തയ്യാറാക്കിയത് :
ഡോ. രഞ്ജിത് ചക്കുംമൂട്ടിൽ 

Jubilee 2025: A Year of Hope and Renewal

    The Catholic Church is preparing to celebrate a momentous occasion: Jubilee 2025, a holy year dedicated to grace, pilgrimage, and spiritual renewal. The proclamation of this holy year was formally made through the papal bull Spes Non Confundit, meaning ‘Hope Does Not Disappoint’. Released by Pope Francis, this document sets the tone for the Jubilee and provides a roadmap for its observance.

The Proclamation of Jubilee 2025

    The Jubilee Year will officially commence with the opening of the Holy Door at St. Peter’s Basilica on Christmas Eve, December 24, 2024. This act symbolizes Christ as the ‘door’ to salvation and invites the faithful to a journey of spiritual renewal. Pope Francis emphasized that the theme of the Jubilee, “Hope Does Not Disappoint”, is deeply rooted in the Scriptures, particularly in Romans 5:5, which speaks of the hope poured into our hearts through the Holy Spirit. The papal bull also outlines a significant directive: every Catholic cathedral worldwide is to hold a solemn Mass on December 29, 2024. This celebration will mark the local commencement of the Jubilee Year in each diocese, uniting the global Catholic community in a shared spirit of prayer and reflection.

The Tradition of Jubilee Years

    A Jubilee Year in the Catholic Church is a special year of grace, forgiveness, and pilgrimage. Traditionally celebrated every 25 years, it offers the faithful opportunities to obtain indulgences, seek reconciliation, and deepen their relationship with God. While ordinary Jubilee Years follow this regular pattern, extraordinary Jubilee Years can be proclaimed to address particular spiritual needs.

    For instance, the Year of Mercy in 2016 was an extraordinary jubilee proclaimed by Pope Francis. This jubilee encouraged the Church to focus on God’s mercy and the importance of faith in contemporary times. Jubilee 2025 marks the first ordinary Jubilee of the 21st century, following the Great Jubilee of the Year 2000 under Pope St. John Paul II. That year celebrated the dawn of the new millennium and invited the faithful to renew their commitment to Christ.

The Significance of the Holy Door

    Central to the Jubilee celebrations is the Holy Door, a door traditionally sealed in major basilicas in Rome and opened only during Jubilee Years. Pilgrims passing through this door, with the proper disposition, can receive a plenary indulgence, a remission of temporal punishment for sins. The opening of the Holy Door at St. Peter’s Basilica by the Pope on December 24, 2024, is a ceremonial act that signifies the start of the Jubilee Year. It is an invitation to all Catholics to walk through the door as a symbolic gesture of entering into a deeper communion with Christ.

The Global Celebration

    To emphasize the universal nature of Jubilee 2025, Pope Francis decreed that every Catholic cathedral around the world should celebrate the solemn opening of the Jubilee Year on December 29, 2024. This ensures that the spiritual benefits of the Jubilee are accessible to all Catholics, regardless of their ability to travel to Rome. Cathedrals are encouraged to incorporate local traditions into their celebrations, making the event a vibrant expression of faith across diverse cultures. The Pope’s emphasis on global participation reflects his vision of a Church that is united yet enriched by its diversity.

Opportunities for Spiritual Growth

    Jubilee 2025 will also provide ample opportunities for spiritual growth and renewal. Parishes and dioceses are encouraged to organize events such as retreats, missions, and catechesis focused on the theme of hope. Additionally, the sacrament of reconciliation will be emphasized, reminding the faithful of God’s boundless mercy. Pope Francis has urged the faithful to use this time to reflect on their personal and communal journey of faith. He encourages acts of charity and service as concrete expressions of hope and love.

Looking Ahead to Jubilee 2025

    As the Catholic Church prepares for Jubilee 2025, the faithful are invited to begin their spiritual preparations. The opening of the Holy Door at St. Peter’s Basilica and the simultaneous celebrations in cathedrals worldwide signal a time of grace and renewal. In his papal bull Spes Non Confundit, Pope Francis calls the Church to embrace hope as a transformative force. This Jubilee is an opportunity to renew our faith, strengthen our commitment to Christ, and unite as a global community of believers. As the Jubilee approaches, let us heed the Pope’s call to journey together in faith and hope, trusting in the God who never disappoints.

The Theme of the 2025 Jubilee Year: “Pilgrims of Hope”

    The theme of the 2025 Jubilee Year is “Pilgrims of Hope”, emphasizing the spiritual journey of the faithful as they seek renewal and deepen their relationship with God. This theme invites all Catholics to walk together in faith, guided by the transformative power of hope, particularly in challenging times. The Jubilee encourages unity, acts of charity, and a rediscovery of the joy and grace found in Christ, aligning with the call to be witnesses of hope in the world. Furthermore, the Jubilee is a significant event in the Catholic faith, and is a time of grace when the faithful can ask for a remission of sins. The 2025 Jubilee is intended to be a year of hope for the world, which is currently facing the effects of war, the COVID-19 pandemic, and climate change.

The Jubilee Logo

    The logo for Jubilee 2025 features a dynamic cross at its center, symbolizing Christ as the source of hope and salvation. Surrounding the cross are four stylized human figures embracing each other, representing the unity and universality of the Church. The figures, forming a circle, highlight themes of community, inclusivity, and pilgrimage. A vibrant, multicolored design reflects joy and the diversity of cultures within the global Catholic community. The overall imagery aligns with the Jubilees theme, Spes Non Confundit (Hope Does Not Disappoint), inspiring a shared journey of faith, hope, and renewal.

Summary of Spes Non Confundit - Hope Does Not Disappoint

    Spes Non Confundit, the papal bull issued by Pope Francis, formally announces Jubilee 2025 and sets its spiritual tone and framework. Rooted in the scriptural theme of hope from Romans 5:5, the document emphasizes that God’s love, poured into the hearts of the faithful, is the source of unshakable hope that never disappoints.

Key Announcements:

1. Opening of the Jubilee Year:

    Jubilee 2025 will begin with the ceremonial opening of the Holy Door at St. Peter’s Basilica on Christmas Eve, December 24, 2024. The Holy Door symbolizes the path to salvation and invites all Catholics to walk through it in a spirit of renewal and reconciliation.

2. Global Participation:

    The Pope decrees that every Catholic cathedral worldwide will solemnly mark the Jubilee’s beginning on December 29, 2024, through a special Mass. This ensures that all local communities can actively participate in the grace of the Jubilee.

3. Theme of Hope:

    The Jubilee’s theme, “Hope Does Not Disappoint,” encourages the faithful to embrace hope as a transformative force in their lives, particularly in the face of contemporary challenges. It calls for a renewed trust in God’s promises and a commitment to live out this hope through charity and service.

4. Pilgrimage and Reconciliation:

    The papal bull highlights the significance of pilgrimage during the Jubilee Year, encouraging the faithful to journey to Rome or designated holy sites as a sign of spiritual renewal. Reconciliation is emphasized as a central sacrament, offering the faithful the opportunity to experience God’s mercy fully.

5. Call to Renewal:

    The Jubilee is presented as a time for deep reflection, conversion, and unity. Catholics are urged to engage in prayer, acts of service, and concrete expressions of hope in their personal and communal lives.

Vision for the Church

    Pope Francis envisions Jubilee 2025 as a unifying event that fosters a renewed commitment to Christ, strengthens bonds within the global Church, and inspires the faithful to be bearers of hope in a troubled world. Spes Non Confundit thus lays the foundation for Jubilee 2025 as a holy year of grace, hope, and transformation, inviting all Catholics to embark on a spiritual journey of renewal.

Dr Rengith Chakkummoottil

Diocese of Thamarassery

സിനഡാത്മക ഗാർഹിക സഭ

കുടുംബം ഗാർഹികസഭയാണ് എന്ന് വിശേഷിപ്പിച്ചത് രണ്ടാം വത്തിക്കാൻ സുനഹദോസാണ്. ജനതകളുടെ പ്രകാശം എന്ന പ്രമാണരേഖ (LG 11) കുടുംബത്തെ ഗാർഹികസഭ എന്നു വിളിച്ചതിന്റെ അർത്ഥം കുടുംബം എന്നത് സഭയുടെ ഏറ്റവും അടിസ്ഥാനപരമായ ഘടകം ആണെന്നതുമാത്രമല്ല, ക്രിസ്തീയ കുടുംബത്തിന് സഭയുടെ ദൗത്യവും സ്വഭാവവും ഉണ്ടെന്ന് സൂചിപ്പിക്കാൻ കൂടിയാണ്.

2021 മുതൽ 2024 വരെ നടന്ന സിനിഡാറ്റിയെ പറ്റിയുള്ള സിനഡിന്റെ അന്തിമരേഖയുടെ പശ്ചാത്തലത്തിൽ ഈ സീനഡാത്മകത എങ്ങനെ കുടുംബങ്ങളിൽ പ്രാവർത്തികമാക്കാം എന്ന് ചിന്തിക്കുന്നത് ഉചിതമാണ്. പങ്കാളിത്ത സ്വഭാവമുള്ള സഭ: കൂട്ടായ്മ, പങ്കാളിത്തം, പ്രേഷിത ദൗത്യം എന്നീ വിഷയങ്ങൾ ആയിരുന്നല്ലോ ഈ സിനഡിന്റെ കേന്ദ്ര ചിന്താവിഷയങ്ങൾ . അതിന്റെ ഭാഗമായി ഈ സിനഡാത്മകത കൈവരിക്കാൻ കുടുംബങ്ങൾ എങ്ങനെ ആയിരിക്കണം എന്നതിനെപ്പറ്റിയുള്ള ചർച്ചകളും സജീവമായിരുന്നു. ഈ സാഹചര്യത്തിൽ കുടുംബം, ഹ്രസ്വരൂപത്തിൽ ഉള്ള സഭ അഥവാ ഗാർഹിക സഭ എന്ന നിലയിൽ ഈ 'സിനഡ്' സ്വഭാവം എങ്ങനെ പ്രകടമാക്കണം എന്ന് ചിന്തിക്കുന്നത് അനുപേക്ഷണീയമാണ്.

കൂട്ടായ്മ, പങ്കാളിത്തം, പ്രേഷിതദൗത്യം
പരിശുദ്ധാത്മാവിനാൽ നിറഞ്ഞ സഭയിൽ കൂട്ടായ്മ, പങ്കാളിത്തം, പ്രേഷിത ദൗത്യത്തിന്റെ കാര്യക്ഷമമായ നിർവഹണം എന്നിവ ഉണ്ടാകണമെന്ന് ഈ സിനഡിലൂടെ മാർപാപ്പ ഓർമ്മപ്പെടുത്തുകയാണ്. ഈ മൂന്നു ഘടകങ്ങളും ഉണ്ടാവുക എന്നത് ഗാർഹിക സഭയായ കുടുംബങ്ങളുടെയും അനിവാര്യതയാണ്.

കൂട്ടായ്മ എന്ന പദംകൊണ്ട് അർത്ഥമാക്കുന്നത് പിതാവിന്റെയും പുത്രന്റെയും പരിശുദ്ധാത്മാവിന്റെയും ഐക്യത്തിൽ ഒന്നായിരിക്കുന്ന ജനമെന്നാണ്. അതായത്, ത്രീത്വത്തിന്റെ സ്നേഹത്തിലുള്ള ഐക്യം പോലെ കുടുംബാംഗങ്ങൾ സ്നേഹത്തിൽ ഐക്യപ്പെടാൻ കഴിയുക എന്നത് ക്രിസ്തീയ കുടുംബങ്ങളുടെ അടിസ്ഥാനപരമായ ദൗത്യമാണ്. ഓരോ വ്യക്തിയും വ്യത്യസ്തതകൾ ഉള്ളവർ തന്നെയാണ്. എന്നാൽ എന്നാൽ ഈ വ്യത്യസ്തതകൾക്ക് എല്ലാം ഉപരി സ്നേഹത്തിൽ ഒന്നാകാൻ ദമ്പതികൾക്കും അവരുടെ മക്കൾക്കും സാധിക്കുമ്പോൾ ഗാർഹിക സഭയെന്ന നിലയിൽ കുടുംബങ്ങൾ ത്രീത്വത്തിന്റെ സമാനതയിലേക്ക് വളരും.

പരിശുദ്ധാത്മാവിൽ നിന്ന് തങ്ങൾ ഓരോരുത്തരും സ്വീകരിച്ച ദാനങ്ങളിലൂടെ പരസ്പരം ശുശ്രൂഷിക്കാൻ ഓരോ കുടുംബാംഗങ്ങളും യോഗ്യരാക്കപ്പെടുകയും വിളിക്കപ്പെടുകയും ചെയ്തിരിക്കുന്നു എന്ന വസ്തുതയിലാണ് പങ്കാളിത്തം അടിസ്ഥാനപെട്ടിരിക്കുന്നത്. കുടുംബങ്ങളിൽ എടുക്കപ്പെടുന്ന തീരുമാനങ്ങളിൽ ദൈവത്തിന്റെ ഇഷ്ടത്തോട് അനുരൂപപ്പെടുന്നതിനും, പരസ്പരം ശ്രവിക്കാനും വിശകലനം ചെയ്യാനും സംവദിക്കാനും വിവേചിക്കാനും ഉപദേശം നൽകാനും സ്വീകരിക്കാനും കുടുംബം ഒരുമിച്ച്‌ അതിന്റെ അംഗങ്ങളുടെ വൈവിധ്യത്തിലും സ്വാതന്ത്ര്യത്തിലും സമ്പന്നതയിലും വിളിക്കപ്പെട്ടിരിക്കുന്നു. ഈ തീരുമാനങ്ങളിൽ കുടുംബത്തിലെ ഏറ്റവും ചെറിയ അംഗത്തിന്റെ സാന്നിധ്യം കൂടി ഉണ്ടാകുമ്പോഴാണ് പങ്കാളിത്ത സ്വഭാവം അതിന്റെ പൂർണ്ണതയിൽ സംജാതമാവുക.

സഭ നിലകൊള്ളുന്നത് സുവിശേഷവൽക്കരണത്തിനു വേണ്ടിയാണ്. മനുഷ്യകുടുംബത്തിന്റെ മുഴുവൻ മധ്യത്തിൽ ദൈവത്തിന്റെ സ്നേഹത്തിന് സാക്ഷ്യം വഹിക്കുക എന്നതാണ് നമ്മുടെ പ്രേഷിത ദൗത്യം. ഗാർഹിക സഭയായ കുടുംബത്തിന്റെയും ദൗത്യം മറ്റൊന്നല്ല. സുവിശേഷത്തിന് സവിശേഷമായ സാക്ഷ്യം നൽകാൻ ഓരോ കുടുംബങ്ങൾക്കും കഴിയും. ഇത്തരത്തിൽ ദൈവരാജ്യത്തിന്റെ വരവിനായുള്ള ശുശ്രൂഷയിലെ പുളിമാവ് എന്ന നിലയിൽ കുടുംബങ്ങൾ കൂടുതൽ ഫലപ്രദമായി സുവിശേഷവത്കരണം ദൗത്യം പൂർത്തിയാക്കുക എന്നതിനുള്ള വഴിയാണ് സിനഡാത്മകത. ദമ്പതികളുടെ മാതൃകാപരമായ ജീവിതം, മക്കളുടെ കാര്യക്ഷമമായ വിശ്വാസപരിശീലനം, കുടുംബാംഗങ്ങൾ ഒന്നിച്ചു ചെയ്യുന്ന ഉപവി പ്രവർത്തനങ്ങൾ, സ്നേഹത്തിൽ അധിഷ്ഠിതമായ അയൽപക്ക ബന്ധങ്ങൾ, സാമൂഹിക സാംസ്കാരിക മേഖലകളിലെ ഇടപെടലുകൾ എന്നിവയൊക്കെ ഈ പ്രേഷിത ദൗത്യത്തിന്റെ പൂർത്തീകരണമാണ്.

കുടുംബങ്ങളുടെ ദൗത്യം
വിവാഹമെന്ന കൂദാശ അതു സ്വീകരിക്കുന്ന വ്യക്തികളെ വ്യതിരിക്തമായ ഒരു ദൗത്യം ഏൽപ്പിക്കുന്നുണ്ട്, അത് ഒരേ സമയം, കുടുംബ ജീവിതത്തിന്റെ മഹത്വം സൂക്ഷിക്കുക , സഭാഗാത്രത്തെ കെട്ടിപ്പടുക്കുക, സമൂഹത്തോട് പ്രതിബദ്ധത ഉണ്ടാവുക എന്നീ ദൗത്യങ്ങളാണ്. പ്രത്യേകിച്ചും, സമീപ വർഷങ്ങളിൽ, കുടുംബങ്ങളുടെ അജപാലന പരിപാലനത്തിൻ്റെ കാര്യത്തിൽ, കുടുംബങ്ങൾ തന്നെ സജീവ പങ്കാളികളാണെന്നും നിഷ്ക്രിയ സ്വീകർത്താക്കളല്ലെന്നും അവബോധം വർദ്ധിച്ചുകൊണ്ടിരിക്കുകയാണ്. മാർപാപ്പമാരുടെ വിവിധ പ്രബോധനങ്ങളിലും സഭയുടെ വിവിധ രേഖകളിലും ഇക്കാര്യം ആവർത്തിച്ചാവർത്തിച്ച് സഭ വ്യക്തമാക്കിയിട്ടുണ്ട്. ഇക്കാരണത്താൽ, സഭാ സ്ഥാപനങ്ങളുടെ സഹായത്തോടെ, കുട്ടികളുടെയും യുവാക്കളുടെയും പരിശീലനവുമായി ബന്ധപ്പെട്ട് കുടുംബങ്ങൾ ഒത്തുചേരുകയും പരസ്പരം സഹകരിക്കുകയും ചെയ്യണം.
(സിനിഡാറ്റിയെ പറ്റിയുള്ള സിനഡിന്റെ അന്തിമരേഖ, 64). 

വിവാഹത്തെയും ലൈംഗികതയെയും സംബന്ധിക്കുന്ന ക്രിസ്തീയ ധാർമികതയോട് വിശ്വസ്തത പുലർത്തി, ദൈവം അവരെ ഏൽപ്പിച്ചിട്ടുള്ള ഈ വലിയ ഉത്തരവാദിത്വം നിർവഹിക്കാൻ സിനഡ് എല്ലാ കുടുംബ ജീവിതക്കാരെയും ആഹ്വാനം ചെയ്യുന്നുണ്ട്; ഒപ്പം തന്നെ അവർക്ക് എല്ലാ പിന്തുണയും വാഗ്ദാനം ചെയ്യുകയും ചെയ്യുന്നു.

മിഷനറി രൂപീകരണം
മാമോദിസ സ്വീകരിക്കുന്ന ഓരോ വ്യക്തിയും തന്റെ ക്രൈസ്തവജീവിതം ആരംഭിക്കുന്നത് വിശ്വാസപ്രഘോഷണം ദൗത്യം സ്വീകരിച്ചു കൊണ്ടു തന്നെയാണ്; കാരണം മാമോദിസയിലൂടെ പരിശുദ്ധാത്മാവിനാൽ ഓരോ വ്യക്തിയും ഈ മിഷനറി ദൗത്യം ഏറ്റെടുക്കുന്നു. ഓരോ വ്യക്തിയുടെയും വിശ്വാസ യാത്രയിൽ, ദൈവവുമായുള്ള അവരുടെ ബന്ധം വളർത്തിയെടുക്കുന്നതിനും വിശ്വാസത്തിൽ ആഴപ്പെടുന്നതിനും സഭയുടെ കൂട്ടായ്മയിൽ നിരവധി ആളുകൾ അവരെ സഹായിക്കുന്നു: മാതാപിതാക്കൾ, കുടുംബാംഗങ്ങൾ, ജ്ഞാനസ്നാന മാതാപിതാക്കൾ, വിശ്വാസ പരിശീലകർ, അധ്യാപകർ, പുരോഹിതന്മാർ, സമർപ്പിതർ എന്നിങ്ങനെ ധാരാളം ആളുകൾ. അത് ഓരോ വ്യക്തിയിലും നിരന്തരമായ പരിവർത്തനം ആവശ്യപ്പെടുന്നു; "ക്രിസ്തുവിൻ്റെ പൂർണ്ണതയുടെ അളവോളം" സ്നേഹത്തിൽ വളരുകയും (എഫേ. 4:13) വിശ്വാസത്തിൻ്റെ ജീവനുള്ളതും സന്തോഷകരവുമായ ഒരു സാക്ഷ്യത്തിനായി ആത്മാവിൻ്റെ വരങ്ങൾക്കായി തുറന്നിരിക്കുകയും ചെയ്യുന്നു. ഓരോ വ്യക്തിയുടെയും ഈ മിഷനറി പരിശീലനത്തിൽ കുടുംബങ്ങൾക്കുള്ള സ്ഥാനം വളരെ വ്യക്തമായി ഈ സിനഡ് ഊന്നിപ്പറയുന്നുണ്ട്. (സിനിഡാറ്റിയെ പറ്റിയുള്ള സിനഡിന്റെ അന്തിമരേഖ, 142).

ചുരുക്കത്തിൽ, മൂന്നാം സഹസ്രാബ്ദത്തിലെ സഭ ഒരു സിനഡാത്മക സഭ ആയിരിക്കണം എന്ന ലക്ഷ്യത്തോടെ നാം മുന്നോട്ട് നീങ്ങുമ്പോൾ ആ ലക്ഷ്യത്തിലേക്ക് അടിസ്ഥാനപരമായി നമ്മുടെ കുടുംബങ്ങളും വളരേണ്ടതുണ്ട്.

സിനഡാലിറ്റിയെ പറ്റിയുള്ള സിനഡ്: അന്തിമ രേഖ - ഒരു വിശകലനം

ഫ്രാൻസിസ് മാർപാപ്പയുടെ നേതൃത്വത്തിൽ 2021 ൽ ആരംഭിച്ച സിനഡാലിറ്റിയെ പറ്റിയുള്ള സിനഡ് 2024 ഒക്ടോബർ 26ന് അതിൻ്റെ അന്തിമ രേഖയുടെ പ്രസിദ്ധീകരണത്തോടെ സമാപിക്കുകയാണ്. ഇനി ഇതു സംബന്ധിച്ച് മറ്റൊരു ഔദ്യോഗിക രേഖയോ അപ്പസ്തോലിക ലേഖനമോ ഉണ്ടാകില്ലെന്ന് വത്തിക്കാൻ ഔദ്യോഗികമായി അറിയിച്ചിട്ടുണ്ട്.

ഇനി നമുക്കു മുന്നിലുള്ളത് മൂന്നാം ഘട്ടമാണ്; അതായത്, ഇതിൻ്റെ നടപ്പാക്കൽ ഘട്ടം. (2018 ല്‍ ഫ്രാന്‍സിസ് മാര്‍പാപ്പ പുറപ്പെടുവിച്ച 'എപ്പിസ്കോപാലിസ് കൊമ്മ്യൂണിയോ' എന്ന പ്രമാണരേഖ ആഗോള സഭയുടെ മെത്രാന്‍ സിനഡിനെ മൂന്നു ഘട്ടങ്ങളിലായി സജ്ജീകരിക്കാന്‍ ആവശ്യപ്പെടുന്നു. ഒരുക്കത്തിന്‍റെ ഘട്ടം, കൂടിയാലോചനകളുടെ ഘട്ടം, തീരുമാനങ്ങള്‍ നടപ്പിലാക്കുന്ന ഘട്ടം എന്നിവയാണവ.) ഇത് നമ്മിൽ നിന്ന് ആവശ്യപ്പെടുന്നത് നവീകരിക്കപ്പെട്ട ഒരു സഭയെയും അതിൻ്റെ പ്രവർത്തനങ്ങളെയും ആണ്. എങ്ങനെ ഒരു മാറ്റത്തിലൂടെ, പുതുമയുള്ള, കാലഘട്ടത്തിന്റെ ചുവരെഴുത്തുകളോട് പ്രതികരിക്കുന്ന, നവീകരിക്കപ്പെട്ട ഒരു സഭയായി മാറാം എന്ന ചോദ്യത്തിനുള്ള ഉത്തരം കണ്ടെത്തുക (conversion to a renewed church).

ഈ സിനഡൽ പ്രക്രിയ തന്നെ സഭയെ സംബന്ധിച്ചിടത്തോളം വളരെ പ്രധാനപ്പെട്ട ഒരു സംരംഭം ആയിരുന്നു; അതിന് ധാരാളം വെല്ലുവിളികളും ഉണ്ടായിരുന്നു. വളരെയധികം ആളുകൾ ഇത്തരത്തിലുള്ള ഒരു പ്രക്രിയയ്ക്ക് ഉണ്ടാകാവുന്ന കാലതാമസങ്ങളെ കുറിച്ച് ആശങ്ക പ്രകടിപ്പിച്ചിരുന്നു. ഈ പ്രക്രിയയിൽ സഭക്കുള്ളിൽ ഐക്യം ദുർബലമാകാനുള്ള സാധ്യതയും ഇതിൻ്റെ തുടക്കത്തിൽ ചിലർ പ്രകടിപ്പിച്ച ആശങ്ക ആയിരുന്നു. മറ്റുള്ള ചിലർ ഈ സിനഡൽ ചർച്ചകളുടെ ശുപാർശകൾ സഭയുടെ പരമ്പരാഗത ദൈവശാസ്ത്രത്തിൽ നിന്നും വിശ്വാസ സത്യങ്ങളിൽ നിന്നും വ്യതിചലിക്കാനുള്ള സാധ്യത എന്ന ആശങ്കയും പങ്കുവയ്ക്കുകയുണ്ടായി. എന്നിരുന്നാലും സഭാ നേതൃത്വം, ദൈവാത്മാവിന്റെ പ്രചോദനമേകുന്ന ധൈര്യത്തോടെ മുന്നോട്ട് തന്നെ പോയി. തീർച്ചയായും, ഇത് സഭയുടെ അനിവാര്യമായ നവീകരണത്തിനും സ്വന്തം ദൗത്യം കൂടുതൽ ആഴത്തിൽ അറിയുന്നതിനും അരക്കിട്ടുറപ്പിക്കുന്നതിനും ഉള്ള ഒരു വേദിയായി മാറുക തന്നെ ചെയ്തു.

ഈ സിനഡ് പ്രക്രിയ ആരംഭിച്ചത് ദൈവജനവുമായുള്ള ആഴത്തിലുള്ള കൂടിയാലോചനകളോടു കൂടിയാണ്. സഭയുടെ കൂട്ടായ്മ, പങ്കാളിത്തം, ദൗത്യം എന്നതായിരുന്നു ഈ കൂടിയാലോചനകളുടെ അടിസ്ഥാന വിചിന്തന വിഷയങ്ങൾ. സഭയ്ക്ക് അതിന്റെ എല്ലാ അംഗങ്ങളെയും ശ്രവിക്കുവാനും, അവരൊരുമിച്ച് ദൈവഹിതം വിവേചിച്ചറിയാനും കഴിവുണ്ടെന്ന് ഈ കൂടിയാലോചനകളുടെ ഓരോ ഘട്ടവും തെളിയിച്ചു.

വിവിധ തലങ്ങളിൽ നടന്ന ചർച്ചകൾ അതിലേക്കുള്ള മാർഗ്ഗരേഖകളും ചവിട്ടുപടികളും ആയിരുന്നു. സിനഡാലിറ്റിയിലൂടെ സഭയിൽ കൂടുതൽ കൂട്ടായ്മയും, പങ്കാളിത്തവും കൈവരുമെന്നും, അത് എല്ലാവരെയും ഉൾക്കൊള്ളുന്നതായിത്തീരുമെന്നും, സഭയുടെ അടിസ്ഥാന ദൗത്യത്തെ ആഴത്തിൽ ഉൾക്കൊള്ളാൻ ഇത് സഹായിക്കും എന്നതും ഇത് വെളിവാക്കി.

ക്രിസ്തുവിൻറെ പുനരുദ്ധാനത്തിൽ നിന്നും അവിടുത്തെ ഈസ്റ്റർ സമ്മാനമായ പരിശുദ്ധാത്മാവിൽ നിന്നും പ്രചോദനം ഉൾക്കൊണ്ട് ആധുനിക ലോകത്തിന്റെ വെല്ലുവിളികൾക്ക് നടുവിൽ വിശ്വാസത്തിലും, ക്രിസ്തീയ സന്തോഷത്തിലും സേവനമനോഭാവത്തിലും പുതിയ ചൈതന്യത്തിലേക്ക് വളരാൻ ഈ സിനഡ് നമ്മെ ക്ഷണിക്കുകയാണ്. ദൈവത്തിലുള്ള, ഒരിക്കലും നിരാശപ്പെടുത്താത്ത പ്രത്യാശയോടെ (റോമാ 5:5), ഈ സിനഡൽ പ്രക്രിയ തുടരാൻ തങ്ങൾക്ക് ഏൽപ്പിക്കപ്പെട്ടിട്ടുള്ള ദൈവജനത്തെ പ്രാപ്തരാക്കണമെന്ന് ഫ്രാൻസിസ് മാർപാപ്പ എല്ലാം മെത്രാന്മാരോടും തന്റെ ദൈവികദത്തമായ അധികാരത്തോടെ ആഹ്വാനം ചെയ്യുന്നുണ്ട് (നമ്പർ 12).

'ഓരോ പുതിയ ചുവടും' എന്ന വാക്കുകളോടെയാണ് ഈ അന്തിമ രേഖ ആരംഭിക്കുന്നത്. മാറ്റത്തിന്റെ ഒരു പുതിയ ഘട്ടത്തിന്റെ തുടക്കത്തെ തന്നെയാണ് ഈ വാക്കുകൾ സൂചിപ്പിക്കുന്നത്. എന്നാൽ ഏതൊരു പുതിയ തുടക്കത്തെയും എന്നതുപോലെ അത് സ്വാഭാവികമായും പ്രതീക്ഷയും അനിശ്ചിതത്വങ്ങളും മുന്നോട്ടുവയ്ക്കുന്നുണ്ട്. ഈ അന്തിമ രേഖ ഫ്രാൻസിസ് മാർപാപ്പ അംഗീകരിക്കുകയും ഒപ്പുവയ്ക്കുകയും ചെയ്തിട്ടുണ്ട്. 27 ശതമാനത്തോളം ബിഷപ്പുമാർ അല്ലാത്ത ഒരു സമിതി തയ്യാറാക്കിയ സഭയുടെ ഒരു ഔദ്യോഗിക രേഖ (magisterial document) എന്ന പ്രത്യേകതയും സിനഡിന്റെ ഈ അന്തിമരേഖക്ക് ഉണ്ട്.

സിനഡാലിറ്റിയെപ്പറ്റിയുള്ള സിനഡിന്റെ അന്തിമ രേഖ 5 അധ്യായങ്ങളിലായാണ് ക്രമീകരിച്ചിരിക്കുന്നത്. 5 അധ്യായങ്ങളിലായി, ആമുഖവും ഉപസംഹാരവും അടക്കം 155 ഖണ്ഡികകൾ ആണ് ഉള്ളത്. വിവിധ വിഷയങ്ങൾ ഉയർത്തിക്കാട്ടുന്ന ഈ അധ്യായങ്ങൾ സഭയുടെ ഭാവിയിലേക്ക് നിരവധിയായ ശുപാർശകൾ മുന്നോട്ടുവയ്ക്കുകയും ചെയ്യുന്നുണ്ട്.

പ്രധാന ആശയങ്ങളും ശുപാർശകളും
സിനഡൽ പ്രക്രിയയുടെ ഹൃദയഭാഗത്ത് സിനാഡാലിറ്റി എന്ന ആശയം തന്നെയുണ്ട്. സിനഡാലിറ്റി എന്നത്, ദൈവവചന ശ്രവണം, ധ്യാനം, നിശബ്ദത, ആഴമായ ഹൃദയ പരിവർത്തനം എന്നിവ ഉൾക്കൊള്ളുന്ന ഒരു ആത്മീയ ഭാവമാണ്. എല്ലാ തലങ്ങളിലും കേൾക്കുകയും, കേൾക്കപ്പെടുകയും, സംഭാഷണത്തിൽ ഏർപ്പെടുകയും, പങ്കാളിത്തത്തോടെ മുന്നോട്ട് നീങ്ങുകയും ചെയ്യുക എന്നതാണ് അതിനർത്ഥം. സ്വാർത്ഥമായ അഭിലാഷങ്ങളോ, ആധിപത്യത്തിനോ നിയന്ത്രണത്തിനോ വേണ്ടിയുള്ള ആഗ്രഹങ്ങളോ, അസൂയയോ ഇല്ലാത്തതാണ് ഈ ആത്മീയത. എല്ലാവരിലൂടെയും എല്ലാറ്റിലൂടെയും സംസാരിക്കുന്ന പരിശുദ്ധാത്മാവിന്റെ ശബ്ദം വിവേചിച്ചറിയാൻ നാം പഠിക്കുക എന്നതാണ് അതിന്റെ ഏക വഴി (നമ്പർ 43).

സഭയിലെ സിനഡാലിറ്റി അതിന്റെ ജീവിതത്തെയും ദൗത്യത്തെയും രൂപപ്പെടുത്തുന്ന 3 പ്രധാന ആശയങ്ങൾ ഉൾക്കൊള്ളുന്നതാണ് (നമ്പർ 30):

ഒന്നാമതായി, ദൈവജനം ഒരുമിച്ച് യാത്ര ചെയ്യുകയും, സഹവർത്തിത്വത്തോടെ ജീവിക്കുകയും പ്രവർത്തിക്കുകയും, വചനം ശ്രവിക്കുകയും, കുർബാന ആഘോഷിക്കുകയും, സഭയുടെ ദൗത്യത്തിൽ പങ്കാളിത്ത സ്വഭാവത്തോടെയുള്ള ഉത്തരവാദിത്വം വളർത്തുകയും ചെയ്യുക എന്നതാണ്.

രണ്ടാമതായി, ഒരു സിനഡൽ സഭയിൽ ഔപചാരിക സഭാ സംവിധാനങ്ങളും പ്രക്രിയകളും പ്രാദേശികതലത്തിലും മേഖലാതലത്തിലും സാർവത്രിക തലത്തിലുമുള്ള സഭ കൂട്ടായ്മകളെ ഉൾപ്പെടുത്തിക്കൊണ്ട് മുന്നോട്ടുപോകുന്നത് ആകണം. പരിശുദ്ധാത്മാവിനെ ശ്രവിച്ചുകൊണ്ട് ദൈവഹിതത്തെ വിവേചിച്ചറിഞ്ഞ് സഭയെ മുന്നോട്ട് നയിക്കാനും അതിനുള്ള പാത തിരിച്ചറിയാനും ഈ ശൈലി സഭയെ പ്രാപ്തമാക്കുന്നു.

മൂന്നാമതായി, സഭാധികാരികൾ വിളിച്ചു ചേർക്കുന്ന സിനഡൽ സമ്മേളനങ്ങൾ ആണ്. ഇവിടെ മാർപാപ്പയുമായുള്ള ഐക്യത്തിൽ, മെത്രാന്മാരുടെ മാർഗ്ഗനിർദ്ദേശങ്ങൾക്കനുസരിച്ച് ദൈവഹിതം വിവേചിച്ചറിയുന്നതിനും, സഭയുടെ സുവിശേഷ സന്ദേശം മുന്നോട്ടു കൊണ്ടു പോകുന്നതിനും വേണ്ട തീരുമാനങ്ങൾ എടുക്കുന്നതിലും ദൈവജനം മുഴുവൻ പങ്കെടുക്കുന്നു. ഈ പ്രക്രിയയിൽ പങ്കെടുക്കുന്നതിലൂടെ ദൈവജനം അവരുടെ ഉൾക്കാഴ്ചകളും അനുഭവങ്ങളും സഭയുടെ പൊതു നന്മയ്ക്കായി സംഭാവന ചെയ്യുകയാണ്. ആത്മാവ് സഭകളോട് എന്താണ് പറയുന്നത് എന്ന് ശ്രവിക്കുവാനും വിവേചിച്ചറിയുവാനും പ്രാപ്തമാക്കുന്ന (വെളിപാട് 2:7) ഒരു നിമിത്തമാണ് ആത്മാവിലുള്ള സംഭാഷണം.

ദൈവജനത്തിന്റെ അനിതരസാധാരണമായ പങ്കാളിത്തം ഈ സിനഡൽ പ്രക്രിയയുടെ ഏറ്റവും പ്രധാനപ്പെട്ട ഫലങ്ങളിൽ ഒന്നായി നമുക്ക് എടുത്തു കാട്ടാം. ഓരോ ക്രിസ്ത്യാനിയും, അവരുടെ കുടുംബം, ജോലി, സാമൂഹ്യ ജീവിതം, സംസ്കാരം, എന്നിവയിൽ ഉടനീളമുള്ള തങ്ങളുടെ വ്യത്യസ്ത കടമകളിലൂടെ - ഡിജിറ്റൽ സുവിശേഷവൽക്കരണം ഉൾപ്പെടെ - ആത്മാവിന്റെ ദാനങ്ങളാൽ പിന്തുണയ്ക്കപ്പെടുന്ന അവരുടെ ജീവിത സാഹചര്യങ്ങളിലൂടെ സുവിശേഷം പ്രസംഗിക്കുന്നു. തങ്ങളുടെ ഈ ജീവിത ദൗത്യത്തിൽ സഭ ഒന്നാകെ അവരെ പിന്തുണയ്ക്കണമെന്നും ശക്തിപ്പെടുത്തണമെന്നും ഈ സിനഡ് ആഗ്രഹിക്കുകയും ചെയ്യുന്നു.

പരമ്പരാഗതമായ വൈദികകേന്ദ്രീകൃത ഭരണ മാതൃകയിൽ നിന്നുള്ള ശ്രദ്ധേയമായ മാറ്റം അടയാളപ്പെടുത്തിക്കൊണ്ട്, തീരുമാനം എടുക്കുന്നതിലും നേതൃപരമായ കടമകൾ നിർവഹിക്കുന്നതിലും സാധാരണ ജനങ്ങളുടെ കൂടുതൽ പങ്കാളിത്തം ഈ രേഖ അടിവരയിടുന്നുണ്ട്. അൽമായരെ ശാക്തീകരിക്കുന്നതിലൂടെ അവരുടെ വൈവിധ്യമാർന്ന ആശയങ്ങളും കഴിവുകളും പ്രയോജനപ്പെടുത്താനും, ദൈവജനത്തിന്റെ പൂർണ്ണതയെ ഏറ്റവും നന്നായി പ്രതിഫലിപ്പിക്കുന്ന കൂടുതൽ ഊർജ്ജസ്വലത ഉൾക്കൊള്ളാനും, ചലനാത്മകമായ ഒരു സമൂഹത്തെ വളർത്തിയെടുക്കുന്നതിനും സഭ ഇതിലൂടെ ലക്ഷ്യമിടുന്നുണ്ട്.

കുട്ടികൾ, യുവജനങ്ങൾ, കുടുംബം
കുട്ടികൾക്ക് തങ്ങളുടെ വളർച്ചയിൽ പ്രത്യേകമായ ശ്രദ്ധയും മാർഗ്ഗനിർദ്ദേശവും നൽകേണ്ടതുണ്ട്. കൂട്ടായ്മ, സാമൂഹിക നീതി, നമ്മുടെ പൊതു ഭവനമായ ഭൂമിയുടെ പരിപാലനം എന്നിവയോടുള്ള പ്രതിബദ്ധതയിലൂടെ യുവജനങ്ങൾ സഭയുടെ നവീകരണത്തിന് കൂടുതൽ സംഭാവന നൽകുന്നു. വിവാഹമെന്ന കൂദാശ സഭയെയും സമൂഹത്തെയും സമ്പന്നമാക്കുന്നതിനുള്ള ഒരു ദൗത്യം കുടുംബങ്ങളെ ഏൽപ്പിക്കുന്നു. അജപാലന ശുശ്രൂഷയിലും കുട്ടികളുടെയും യുവജനങ്ങളുടെയും പരിശീലനത്തിലും സജീവമായി ഉൾപ്പെടുത്തുക വഴി അജപാലന ശുശ്രൂഷയിൽ കുടുംബങ്ങൾ നിഷ്ക്രിയ സ്വീകർത്താക്കൾ അല്ല മറിച്ച് സജീവ പങ്കാളികളാണ്. സഭയുടെ ദൗത്യത്തിൽ സ്ത്രീകൾ പ്രധാന പങ്കുവഹിക്കുന്നു. അവർ പഠിപ്പിക്കുകയും നയിക്കുകയും വിശ്വാസത്തിന് പ്രത്യേകമാംവിധം സാക്ഷ്യം നൽകുകയും ചെയ്യുന്നു. കാനോൻ നിയമങ്ങൾ അവർക്ക് നൽകിയിട്ടുള്ള വിപുലമായ അംഗീകാരങ്ങൾക്കും നേതൃത്വ അവസരങ്ങൾക്കും സിനഡ് പൂർണ്ണമായ പിന്തുണയും ആഹ്വാനവും നൽകുന്നു. എന്നാൽ, സ്ത്രീകൾ ഡീക്കൻ സ്ഥാനത്തേക്ക് വരുന്നതിനെക്കുറിച്ച് കൂടുതൽ വിപുലമായ ആലോചനയും ചർച്ചയും ആവശ്യമുണ്ട് എന്ന് ഈ രേഖ വിലയിരുത്തുന്നു.

മെത്രാന്മാർ, വൈദികർ, സമർപ്പിതർ
സമർപ്പിതരായ വ്യക്തികൾ അവരുടെ പ്രവാചക ശബ്ദത്തിലൂടെ സഭയെയും സമൂഹത്തെയും ചലനാത്മകമാക്കണം. ഇടവക വൈദികരും സമർപ്പിതരും തങ്ങൾ തമ്മിലുള്ള ബന്ധങ്ങൾ ആഴപ്പെടുത്തുക വഴി അവർ ചെയ്യുന്ന സേവനങ്ങളും സഭയുടെ പൊതു ദൗത്യവും കൂടുതൽ ജീവസുറ്റതാക്കി മാറ്റും. വൈദികരുടെയും മെത്രാന്മാരുടെ പ്രധാനമായ സേവനമേഖല സുവിശേഷ പ്രഘോഷണം തന്നെയാണ്. ഒരു സിനഡൽ സഭയിൽ, സിനഡൽ സമ്പ്രദായങ്ങളോട് തുറന്ന മനോഭാവത്തോടെ, ഏവരെയും സ്വാഗതം ചെയ്യുകയും ശ്രവിക്കുകയും ചെയ്തു കൊണ്ട്, ജനങ്ങളോട് അടുത്ത്, അവർക്ക് സേവനം ചെയ്യാൻ ഓരോ പുരോഹിതനും കടപ്പെട്ടിരിക്കുന്നു. സ്ത്രീകൾക്കും പുരുഷന്മാർക്കും പങ്കാളിത്തത്തിന് കൂടുതൽ അവസരങ്ങൾ നൽകണം. ഒപ്പം നമ്മുടെ കാലത്തിന്റെ അജപാലന ആവശ്യങ്ങൾക്ക് അനുസൃതമായി സഹവർത്തിത്വത്തിന്റെയും സഹ ഉത്തരവാദിത്വത്തിന്റെയും വ്യത്യസ്തമായ അജപാലന ശുശ്രൂഷ രീതികൾ പരീക്ഷിക്കേണ്ടതുണ്ട്. സമർപ്പിതരും അൽമായരുമായി ശുശ്രൂഷകൾ പങ്കിടുമ്പോൾ, അത് കൂട്ടായ തീരുമാനങ്ങൾ എടുക്കുന്നതിനും പൗരോഹിത്യമേൽക്കോയ്മാ സമ്പ്രദായത്തെ മറികടക്കുന്നതിനും സഹായിക്കുകയും ചെയ്യും.

തീരുമാനം എടുക്കൽ പ്രക്രിയ
നമ്മുടെ തീരുമാനം എടുക്കൽ പ്രക്രിയകളിൽ സുതാര്യത, ഉത്തരവാദിത്വം (accountability) ശരിയായ മൂല്യനിർണയം, എന്നിവ ഉറപ്പാക്കേണ്ടതുണ്ട്. ഒപ്പം തന്നെ ഈ പ്രക്രിയകളിൽ രൂപത (ഇടവക) പാസ്റ്ററൽ കൗൺസിൽ ഫിനാൻസ് കമ്മിറ്റി എന്നിവകളുടെയൊക്കെ ഫലപ്രദമായ ഇടപെടലുകളും ഉറപ്പാക്കണം എന്ന് സിനഡ് ആവശ്യപ്പെടുന്നു. അജപാലന ഉത്തരവാദിത്വങ്ങളിൽ ആയിരിക്കുന്നവർ ഇത്തരം കമ്മിറ്റികളെ ശ്രദ്ധിക്കേണ്ടതും, അവരുടെ ആശയങ്ങളെ ഉൾച്ചേർക്കേണ്ടതുമാണ്. കാര്യങ്ങൾ കൃത്യമായി ഈ ആലോചന സമിതികളോട് വിശദീകരിക്കാനും അവർക്ക് ഉത്തരവാദിത്വമുണ്ട്. ഈ മേഖലയിൽ കൺസൾട്ടറേറ്റീവ് വോട്ട് ഒരു പ്രധാന മാനദണ്ഡമായി സ്വീകരിച്ച്, കഴിയുന്ന വിധത്തിൽ തീരുമാനപ്രക്രിയകളെ കൂടുതൽ സുതാര്യമാക്കിയും പങ്കാളിത്ത സ്വഭാവമുള്ളതാക്കിയും മാറ്റാൻ കഴിയുന്ന തരത്തിൽ കാനോൻ നിയമങ്ങൾ പുനപരിശോധിക്കേണ്ടതുണ്ട് എന്ന് സിനഡ് അഭിപ്രായപ്പെടുന്നു (നമ്പർ 92).

സിനഡൽ മാർഗ്ഗനിർദ്ദേശങ്ങൾ വേഗത്തിൽ നടപ്പാക്കുന്നതിനായി പ്രവർത്തിക്കാൻ ഏറ്റവും സാധ്യതയുള്ളത് രൂപതയോട് ചേർന്ന് പ്രവർത്തിക്കുന്ന വിവിധ വകുപ്പുകൾക്കും സമിതികൾക്കും ആണ്. അവർ അത് കാര്യക്ഷമമായി നിർവഹിക്കണം എന്ന് സിനഡ് നിർദ്ദേശിക്കുന്നു (നമ്പർ 103). മെത്രാനും വൈദികരും വിശ്വാസികളും തമ്മിൽ നിരന്തരം കൂടിയാലോചനകളും അഭിപ്രായ കൈമാറ്റങ്ങളും നടത്തുന്ന, ഉന്നതമൂല്യമുള്ള ഒരു സ്ഥാപനമായി ഓരോ രൂപതയും മാറേണ്ടതുണ്ട്.

ഓരോ രൂപതയും അത് പ്രവർത്തിക്കുന്ന പ്രവർത്തിച്ചുകൊണ്ടിരിക്കുന്ന സാഹചര്യങ്ങളും പശ്ചാത്തലങ്ങളും കൃത്യമായി വിലയിരുത്തണം. അതായത്, സാമൂഹ്യ - സാംസ്കാരിക പശ്ചാത്തലം നഗരവത്കരണത്തിന്റെ യും കിട്ടിയേറ്റത്തിന്റെയും ആഘാതങ്ങൾ, പാർശ്വവൽക്കരിക്കപ്പെടുന്ന മനുഷ്യർ, ഡിജിറ്റൽ ലോകം, പ്രാദേശിക സംഭവ വികാസങ്ങൾ, എന്നിവ.

ഇടവക സമൂഹം
സുവിശേഷപ്രഘോഷണ ദൗത്യത്തിന്റെ പുതിയ ആവശ്യങ്ങളോട് കാര്യക്ഷമമായി പ്രതികരിക്കുന്നതിന് ഓരോ സമൂഹത്തിന്റെയും അടിസ്ഥാന സ്വഭാവവിശേഷങ്ങളും, അവർ ആയിരിക്കുന്ന പ്രദേശത്തിന്റെ സാഹചര്യങ്ങളും മനസ്സിലാക്കുകയും അവയ്ക്കനുസൃതമായി അജപാലന പ്രവർത്തനങ്ങളുടെ പുതിയ രൂപങ്ങൾ കണ്ടെത്തുകയും ചെയ്യേണ്ടത് ആവശ്യമാണ്. ഓരോ വ്യക്തിയുടെയും വ്യക്തിപരമായ വിശ്വാസത്തിന് ഊന്നൽ കൊടുക്കുകയും അവനെ വ്യക്തിപരമായി അനുഗമിക്കുകയും, രൂപീകരണം നൽകുകയും ചെയ്യുന്ന ഒരു അജപാലന ശൈലിയിലൂടെ, ലോകത്തിൽ അവരുടെ സുവിശേഷ ദൗത്യം നിറവേറ്റുന്നതിന്, ജീവിതത്തിന്റെ വിവിധ ഘട്ടങ്ങളിൽ വ്യക്തികളെ പിന്തുണയ്ക്കാൻ ഇടവക സമൂഹത്തിന് കഴിയും. ഈ രീതിയിൽ പ്രവർത്തിക്കുമ്പോൾ, ഇടവക എന്നത് അതിൽ മാത്രം കേന്ദ്രീകൃതമായ, അതിൽ തന്നെ ഒതുങ്ങി പോകേണ്ട, ഒന്നല്ല മറിച്ച് സാർവത്രിക സുവിശേഷ ദൗത്യത്തിൽ പങ്കുചേരുന്ന ഒരു യൂണിറ്റ് മാത്രമാണ് അത് എന്ന് കൂടുതൽ വ്യക്തമാകും. അതിനായി വൈദികർക്കിടയിലും ഇടവകകൾക്കിടയിലും കൂടുതൽ ശക്തമായ ഐക്യവും സഹകരണവും ആവശ്യമാണെന്ന് ഈ സിനഡ് ആഹ്വാനം ചെയ്യുന്നു.

നമ്മുടെ വിവിധ പ്രാദേശിക ആചാരാനുഷ്ഠാനങ്ങൾ (popular devotions) സഭയുടെ വലിയ ഒരു നിധിയാണ്. അത് നമ്മുടെ ആത്മീയ യാത്രയിൽ നമുക്ക് വലിയ ആത്മവിശ്വാസം പകരുന്നു.

മിഷനറി ചൈതന്യ രൂപീകരണം
കുടുംബങ്ങളിലും കുടുംബക്കൂട്ടായ്മകളിലും ഇടവകകളിലും വിവിധ സംഘടനകളിലും സെമിനാരികളിലും വിദ്യാഭ്യാസ സ്ഥാപനങ്ങളിലും സന്യാസ സമൂഹങ്ങളിലും തുടങ്ങി സഭയുടെ എല്ലാ മേഖലകളിലും മിഷനറി ചൈതന്യ രൂപീകരണം അത്യാവശ്യമാണെന്ന് ഈ രേഖ ഊന്നി പറയുന്നുണ്ട് (നമ്പർ 144). സെമിനാരി രൂപീകരണത്തിൽ സ്ത്രീകളുടെ പ്രാതിനിധ്യം സിനഡ് ആവശ്യപ്പെടുന്നുണ്ട്. ഒരു പുതിയ ഡിജിറ്റൽ ലോകത്ത്, അതിന്റെ സാധ്യതകളും വെല്ലുവിളികളും മനസ്സിലാക്കുന്ന വിധത്തിലുള്ള പരിശീലനവും കാലഘട്ടത്തിൻറെ ആവശ്യമാണ്.

സഭ എല്ലാവർക്കും സുരക്ഷിതമായ ഒരിടം
കുട്ടികൾക്കും ഭിന്നശേഷിക്കാർക്കും തുടങ്ങി ദുർബലരായ എല്ലാവർക്കും സഭയും അതിന്റെ സംവിധാനങ്ങളും സുരക്ഷിതമായ ഒരിടം ആയിരിക്കേണ്ടതുണ്ട്. സഭയുടെ എല്ലാ ക്രമീകരണങ്ങളിലും മേഖലകളിലും ഇതിനുവേണ്ട എല്ലാ സാഹചര്യങ്ങളും ഉണ്ടാവണം. ദുരുപയോഗം തടയുന്നതിനും അനുചിതമായ പെരുമാറ്റങ്ങളോട് ഉടനടി പ്രതികരിക്കുന്നതിനുള്ള പെരുമാറ്റ ചട്ടങ്ങളും നടപടിക്രമങ്ങളും കൂടുതൽ കാര്യക്ഷമം ആവേണ്ടതുണ്ട്. കൂടാതെ, അതിജീവിതരെ (victims) സൂക്ഷ്മ സംവേദനാക്ഷമതയോടെ സ്വീകരിക്കുകയും പിന്തുണയ്ക്കുകയും ചെയ്യുന്നുണ്ടെന്ന് സഭാ സംവിധാനങ്ങൾ ഉറപ്പാക്കണം (നമ്പർ 150).

സമാധാനവും നീതിയും പ്രോത്സാഹിപ്പിക്കുക, നമ്മുടെ പൊതു ഭവനമായ ഭൂമിയെ സംരക്ഷിക്കുക, വ്യത്യസ്ത സംസ്കാരങ്ങളും മതങ്ങളും തമ്മിലുള്ള സംവാദങ്ങൾ പ്രോത്സാഹിപ്പിക്കുക തുടങ്ങിയുള്ള സഭയുടെ ഔദ്യോഗിക സാമൂഹിക കാഴ്ചപ്പാടുകളെയും പ്രബോധനങ്ങളെയും ജനങ്ങളിലേക്ക് കൂടുതലായി എത്തിക്കേണ്ടതുണ്ട്. ഇത് സഭാ മക്കളെ കൂടുതൽ നീതിയും അനുകമ്പയും ഉള്ള ഒരു ലോകം കെട്ടിപ്പടുക്കാൻ കൂടുതൽ സഹായിക്കും

ഉപസംഹാരം
സിനാഡാലിറ്റിയെ പറ്റിയുള്ള സിനഡിന്റെ അന്തിമരേഖയുടെ പ്രസിദ്ധീകരണത്തോടെ സഭയിലെ വിപ്ലവകരമായ ഒരു പുതിയ തുടക്കത്തിന്റെ ആദ്യഘട്ടം പൂർത്തിയാവുകയാണ്. എല്ലാവരെയും ഉൾക്കൊള്ളുന്നതും, പങ്കാളിത്ത സ്വഭാവമുള്ളതും കൂടുതൽ ഉണർവോടെ സുവിശേഷ ദൗത്യ നിർവഹണം നടത്തുകയും ചെയ്യുന്ന ഒരു സഭയുടെ മുന്നേറ്റത്തെയാണ് ഈ രേഖ പ്രതിനിധാനം ചെയ്യുന്നത്. പ്രത്യേകിച്ച്, സ്ത്രീകളുടെയും പാർശ്വവൽക്കരിക്കപ്പെട്ടവരുടെയും ഭാഗഭാഗിത്വത്തെ ഉയർത്തിക്കാട്ടിക്കൊണ്ട്, വിശാലമായ ഈ ലോകത്തിൽ കൂടുതൽ അർത്ഥവത്തായ ഒരു സന്നിധ്യമായി സഭയ്ക്ക് മാറാൻ കഴിയുമെന്ന് നമ്മെ ഈ സിനഡ് ഓർമ്മപ്പെടുത്തുന്നു. സഭ ഈ നവീകരണ യാത്ര തുടരുമ്പോൾ, സിനഡാലിറ്റിയുടെ ഈ തത്വങ്ങൾ എല്ലാവരെയും ഉൾക്കൊള്ളുന്നതും സഭയിലെ എല്ലാ അംഗങ്ങളും സഭയുടെ ജീവിതത്തിലും ദൗത്യത്തിലും പൂർണമനസ്സോടും ശക്തിയോടും കൂടെ പങ്കുചേരുകയും ചെയ്യുന്ന, ഒരു ഭാവിയിലേക്കുള്ള സുപ്രധാന ചുവടുവെപ്പാണ്, അതിന്റെ പ്രാമാണിക രേഖയും.

തയ്യാറാക്കിയത്: ഡോ. രഞ്ജിത് ചക്കുംമൂട്ടിൽ

താമരശ്ശേരി രൂപത

പത്തു കല്പനകൾ എങ്ങനെ പത്ത് എണ്ണം ആയി?

കുറച്ചു നാളുകൾക്കു മുമ്പ് ഒരു സന്യാസ ഭവനത്തിൽ ഒരു തിരുനാളാഘോഷത്തിനു വേണ്ടി പോകാൻ ഇടയായി. ഭക്ഷണമുറിയിൽ എല്ലാവരും ഒരുമിച്ചു നിൽക്കുമ്പോൾ, പത്തു കൽപ്പനകൾ പ്രിൻ്റ്  ചെയ്തിട്ടുള്ള ഒരു പോസ്റ്റർ അവിടെ ഭിത്തിയിൽ പതിച്ചിട്ടുള്ളത് എൻ്റെ ശ്രദ്ധയിൽപ്പെട്ടു . അതിലൂടെ കണ്ണോടിക്കുമ്പോൾ 10 കൽപ്പനകൾ അതിൽ രേഖപ്പെടുത്തിയിട്ടുള്ളത് സാധാരണ നമ്മൾ കാണുന്നതിൽ നിന്ന് വ്യത്യസ്തമായ ഒരു രീതിയിലായിരുന്നു. ഉദാഹരണത്തിന്, അതിൽ ആറാമത്തെ കല്പന ആയി കൊടുത്തിട്ടുള്ളത് കൊല്ലരുത് എന്നതാണ്; ഏഴാമത്തേത് വ്യഭിചാരം ചെയ്യരുത് എന്നും. സാധാരണ വേദപാഠ ക്ലാസ്സിൽ നമ്മൾ പഠിച്ചിട്ടുള്ളത്, "അഞ്ച്: കൊല്ലരുത്; ആറ്: വ്യഭിചാരം ചെയ്യരുത്", എന്നിങ്ങനെയാണ്. ഭക്ഷണത്തിന് ഇരുന്നപ്പോൾ, ഒരു കൗതുകത്തിന് ഞാൻ അവരോട് ചോദിച്ചു: "നിങ്ങൾ ഇതുവരെ ശ്രദ്ധിച്ചിട്ടുണ്ടോ, ഈ ഭിത്തിയിൽ പതിച്ചിട്ടുള്ള 10 കൽപ്പനകളുടെ പോസ്റ്ററിൽ ഇത്തരത്തിലാണ് കൽപ്പനകൾ രേഖപ്പെടുത്തിയിട്ടുള്ളത്. എന്തുകൊണ്ടാണ്, ഇത്തരത്തിൽ, നാം പഠിച്ചിട്ടുള്ളതിൽ നിന്ന് ഒരു വ്യത്യാസം ഇതിലുള്ളത്?" പലരും ഇതിനു മുമ്പ് അത് ശ്രദ്ധിച്ചിട്ടുണ്ടായിരുന്നില്ല; പലർക്കും ഇത് എന്തുകൊണ്ടാണ് എന്ന് അറിയുമായിരുന്നില്ല. 

പിന്നീട് ഒരിക്കൽ, ഒന്നാം വർഷ ദൈവ ശാസ്ത്രവിദ്യാർഥികളുടെ ക്ലാസ്സിൽ ഞാൻ സ്‌ക്രീനിൽ ഗൂഗിൾ ഇമേജ് എടുത്ത്, അതിൽ '10 കൽപ്പനകൾ - പോസ്റ്റർ' എന്ന ടൈപ്പ് ചെയ്തതിനു ശേഷം സെർച്ച് കൊടുത്തു. ആദ്യം വന്ന പത്ത് പോസ്റ്ററുകളിൽ ഏഴെണ്ണത്തിലും, മേൽപ്പറഞ്ഞതുപോലെ ആറാമത്തെ കൽപ്പന കൊല്ലരുത് എന്നും, ഏഴാമത്തെ കൽപ്പന വ്യഭിചാരം ചെയ്യരുത് എന്നതും ആയിരുന്നു. ഞാൻ വിദ്യാർത്ഥികളോട് ചോദിച്ചു, "എന്തുകൊണ്ടായിരിക്കും നാം തിരഞ്ഞ ഈ പോസ്റ്ററുകളിൽ ഇത്തരത്തിൽ ഒരു വ്യത്യാസം?". പലർക്കും അതിനെപ്പറ്റി നേരത്തെ അറിവുണ്ടായിരുന്നില്ല. അതായത് പത്തു കൽപ്പനകളുടെ പട്ടികയിൽ, അതിൻ്റെ എണ്ണത്തിൽ (numbering) ചില മാറ്റങ്ങൾ ഉണ്ട് എന്നത് പലർക്കും അറിയാത്ത വസ്തുതയാണ്.

പിന്നീട് ഞാൻ മനസ്സിലാക്കിയതനുസരിച്ച്, ധാരാളം കത്തോലിക്ക വിശ്വാസികൾക്ക് പത്ത് കൽപ്പനകളുടെ വിവരണത്തിൽ ഇത്തരത്തിൽ ചില മാറ്റങ്ങൾ ഉണ്ട് എന്നതിനെപ്പറ്റി യാതൊരു അറിവും ഉണ്ടായിരുന്നില്ല. ഈയൊരു സാഹചര്യത്തിൽ, 10 കൽപ്പനകളുടെ ബൈബിൾ വിവരണങ്ങളെ പറ്റിയും, അതിൻ്റെ എണ്ണത്തെപ്പറ്റിയുമുള്ള  ലളിതമായ ഒരു ലേഖനമാണ് ഇത്.

കത്തോലിക്കാ സഭയുടെ മതബോധന ഗ്രന്ഥം പത്തു കൽപ്പനകളെ പറ്റി ഇങ്ങനെ എഴുതുന്നു: "തിരുവെഴുത്തുകളോടുള്ള വിശ്വസ്തതയിലും യേശു ക്രിസ്തുവിൻ്റെ പ്രബോധനങ്ങൾക്ക് അനുസൃതമായും, കത്തോലിക്കാ സഭയുടെ പാരമ്പര്യം, പത്തു കല്പനയുടെ പ്രാഥമികമായ പ്രാധാന്യവും പ്രാമുഖ്യവും അംഗീകരിച്ചിട്ടുണ്ട്" (CCC 2064).  അതായത് ക്രിസ്തീയ ധാർമികതയുടെ അടിസ്ഥാനം പത്തു കൽപ്പനകൾ ആണ്. നിത്യജീവൻ അവകാശമാക്കാൻ ഞാൻ എന്തു ചെയ്യണം എന്നുള്ള യുവാവിൻ്റെ ചോദ്യത്തിന് ഉത്തരം നൽകുമ്പോൾ ഈശോ തന്നെ പത്തുകൽപ്പനകളുടെ പ്രാധാന്യം വെളിവാക്കിയിട്ടുണ്ട് (മത്താ 19: 16 -19).

പത്തു കൽപ്പനകൾ ബൈബിളിൽ പ്രധാനമായും രണ്ടിടങ്ങളിലാണ് രേഖപ്പെടുത്തിയിട്ടുള്ളത്: പുറപ്പാട് 20: 1-17 ലും നിയമാവർത്തനം 5: 6-21 ലും. ലേവിയരുടെ പുസ്തകത്തിലും ഇതിൻ്റെ വിശദമായ മറ്റൊരു വിവരണം കാണാം (ലേവി 19: 1-37).

എന്നാൽ ഈ വിവരണങ്ങളിലൊന്നും നോക്കിയാൽ പത്ത് കൽപ്പനകൾ, പത്തെണ്ണം ആയി, ഒന്ന്, രണ്ട്, മൂന്ന്, എന്ന വിധത്തിൽ  വിവരിച്ചിട്ടുള്ളത് നമുക്ക് കാണാൻ സാധിക്കുകയില്ല. പിന്നെ എങ്ങനെയാണ് കൽപ്പനകൾ പത്ത് എണ്ണം ആണുള്ളത് എന്ന് നമ്മൾ വ്യാഖ്യാനിക്കുന്നത്? ഇതിനുത്തരം ബൈബിളിൽ തന്നെയുണ്ട് 10 കൽപ്പനകൾ വിവരിക്കുന്നിടത്ത് ഇത് 10 കൽപ്പനകൾ ആണ് എന്ന് പറയുന്നില്ലെങ്കിലും, ബൈബിളിൽ മറ്റുചിലയിടങ്ങളിൽ ഇതിനെ '10 കൽപ്പനകൾ' എന്ന് തന്നെയാണ് വിളിക്കുന്നത്. അതുകൊണ്ട് ഇത് 10 കൽപ്പനകൾ തന്നെയാണ് എന്ന് ബൈബിളിൻ്റെ വെളിച്ചത്തിൽ തന്നെ നമുക്ക് അനുമാനിക്കാം. ഉദാഹരണത്തിന്, പുറപ്പാടിൻ്റെ  പുസ്തകം 34:28 ലും നിയമാവർത്തന പുസ്തകം 10:4 ലും ദൈവം മോശക്ക് കൊടുത്തത് 10 കൽപ്പനകൾ ആണ് എന്ന് തന്നെ കൃത്യമായി പറയുന്നുണ്ട്. 

എന്നാൽ ഇവിടെ ഒരു പ്രശ്നമുണ്ട്. ഈ രണ്ടു വിവരണങ്ങളിലും കൽപ്പനകൾ വിവരിക്കുന്നിടത്ത് പത്തിൽ കൂടുതൽ വാക്യങ്ങൾ ഉണ്ട്. ഈ വാക്യങ്ങളെ പത്താക്കി എങ്ങനെ നമുക്ക് ചുരുക്കാം, അല്ലെങ്കിൽ പത്തായി എങ്ങനെ നമുക്ക് വിഭജിക്കാം എന്നിടത്താണ് ഇത് പത്ത് കൽപ്പനകൾ ആയി മാറുന്നത്; അവിടെയാണ് ഈ വിഭജനം വ്യത്യസ്തങ്ങളായി മാറുന്നതും

10 കൽപ്പനകളുടെ പട്ടികയുടെ വിഭജനം

കത്തോലിക്കാ സഭയുടെ മതബോധന ഗ്രന്ഥം (CCC 2066) ഇങ്ങനെ പറയുന്നു: "ചരിത്രത്തിൻറെ ഗതിവിഗതികളിൽ ഈ 10 കൽപ്പനകളുടെ വിഭജനം പലവിധത്തിൽ നടന്നിട്ടുണ്ട്. കത്തോലിക്കാ സഭ ഇപ്പോൾ ഉപയോഗിക്കുന്നത് വിശുദ്ധ അഗസ്തീനോസ് ചിട്ടപ്പെടുത്തിയ വിഭജനമാണ്". അതായത്, ഇത് വ്യക്തമാക്കുന്നത്, ചരിത്രത്തിൽ പലയിടങ്ങളിലും പത്തു കൽപ്പനകൾ പലവിധത്തിൽ വിഭജിക്കപ്പെട്ടിട്ടുണ്ട്. അതിൽ പ്രധാനമായും നമുക്ക് കാണാൻ കഴിയുക മൂന്ന് തരത്തിലുള്ള വിഭജനങ്ങൾ ആണ്. അതിലൊന്ന് മേൽ സൂചിപ്പിച്ചതുപോലെ വിശുദ്ധ അഗസ്തീനോസ് ചിട്ടപ്പെടുത്തിയതാണ്. മറ്റൊന്ന് പൗരസ്ത്യ ഓർത്തഡോക്സ് സഭകളിൽ ഉപയോഗിക്കപ്പെടുന്ന വിഭജനമാണ്. മൂന്നാമത്തെത് ആധുനിക യഹൂദന്മാർ ചിട്ടപ്പെടുത്തിയ വിഭജനമാണ്. ഇത്തരത്തിൽ പ്രധാനമായും മൂന്ന് തരത്തിലുള്ള ആധുനിക വിഭജനങ്ങളെ  നമുക്ക് കാണാൻ സാധിക്കും. കത്തോലിക്കാ സഭ ഇന്ന് ഉപയോഗിക്കുന്ന പട്ടിക ചില ലൂതറൻ സഭകളും ഉപയോഗിക്കുന്നുണ്ട്. പൗരസ്ത്യ ഓർത്തഡോക്സ് സഭകൾ ഉപയോഗിക്കുന്ന വിഭജനമാണ് പ്രൊട്ടസ്റ്റൻ്റ്  സഭകൾ സ്വീകരിച്ചിരിക്കുന്നത്. 

പത്തു കൽപ്പനകളുടെ ബൈബിൾ വിവരണത്തെ എങ്ങനെയാണ് ചരിത്രത്തിൽ, വിവിധ തരങ്ങളിൽ വിഭജിച്ചിട്ടുള്ളത് എന്നത് താഴെ കാണുന്ന വിവരണത്തിൽ നിന്ന് വിശദമായി നമുക്ക് മനസ്സിലാക്കാവുന്നതാണ്.

കൽപ്പന	അഗസ്തീനോസ്	പൗര. ഓർത്തഡോക്സ്	യഹൂദന്മാർ
I	പുറ: 20, 2-3	പുറ: 20, 2-3	പുറ: 20, 2
II	പുറ: 20, 7	പുറ: 20, 4-6	പുറ: 20, 3-6
III	പുറ: 20, 8-11	പുറ: 20, 7	പുറ: 20, 7
IV	പുറ: 20, 12	പുറ: 20, 8-11	പുറ: 20, 8-11
V	പുറ: 20, 13	പുറ: 20, 12	പുറ: 20, 12
VI	പുറ: 20, 14	പുറ: 20, 13	പുറ: 20, 13
VII	പുറ: 20, 15	പുറ: 20, 14	പുറ: 20, 14
VIII	പുറ: 20, 16	പുറ: 20, 15	പുറ: 20, 15
IX	പുറ: 20, 17a	പുറ: 20, 16	പുറ: 20, 16
X	പുറ: 20, 17b	പുറ: 20, 17	പുറ: 20, 17

അതായത്, എല്ലാ പാരമ്പര്യങ്ങളും പത്ത് എന്ന സംഖ്യയെ അംഗീകരിക്കുന്നുണ്ടെങ്കിലും, വിവരണത്തിൻ്റെ വിഭജനത്തിൽ അവ അല്പം വ്യത്യാസപ്പെട്ടിരിക്കുന്നു.  ഓരോ കല്പനകളും, ഈ വിവരണത്തിൻ്റെ എവിടെ തുടങ്ങി എവിടെ അവസാനിക്കുന്നു എന്നതിൻ്റെ അടിസ്ഥാനത്തിലാണ് ഈ വ്യത്യാസം വന്നിട്ടുള്ളത്.
താഴെ കൊടുത്തിരിക്കുന്ന ടേബിളിൽ നിന്ന് ഇതിൻ്റെ കൂടുതൽ വ്യക്തമായ ഒരു ചിത്രം നമുക്ക് ലഭിക്കും.

പുറപ്പാട് ഇരുപതാം അധ്യായത്തിൽ നിന്നുള്ള വാക്യം	കത്തോ/ ലൂഥ/ ആംഗ്ലി.	പൗര. ഓർത്ത/ പ്രൊട്ട	ആധു. യഹൂദ
ഞാനാകുന്നു നിൻ്റെ ദൈവം (2)	I a	I a	I
മറ്റു ദൈവങ്ങൾ നിനക്ക് ഉണ്ടാകരുത് (3)	I b	I b	II a
വിഗ്രഹങ്ങൾ ഉണ്ടാക്കരുത് (4-6)	---	II	II b
ദൈവനാമം വൃഥാ പ്രയോഗിക്കരുത് (7)	II	III	III
സാബത്ത് ആചരിക്കണം  (8-11)	III	IV	IV
മാതാവിനെയും പിതാവിനെയും ബഹുമാനിക്കണം (12)	IV	V	V
കൊല്ലരുത് (13)	V	VI	VI
വ്യഭിചാരം ചെയ്യരുത് (14)	VI	VII	VII
മോഷ്ടിക്കരുത് (15)	VII	VIII	VIII
കള്ള സാക്ഷ്യം പറയരുത് (16)	VIII	IX	IX
അന്യൻ്റെ വസ്തുക്കൾ ആഗ്രഹിക്കരുത് (17a)	IX	X a	X a
അന്യൻ്റെ ഭാര്യയെ ആഗ്രഹിക്കരുത് (17b)	X	X b	X b

മുകളിൽ കൊടുത്തിരിക്കുന്ന വിവരണങ്ങളിൽ നിന്ന് എങ്ങനെയാണ് ചരിത്രത്തിൽ പലയിടങ്ങളിലായി പത്തു കൽപ്പനകളെ വിവിധ തരങ്ങളിൽ വിഭജിച്ചിട്ടുള്ളത് എന്ന് നമ്മൾ മനസ്സിലാക്കി. കൽപ്പനകളുടെ വിഭജനങ്ങളിലെ വൈവിധ്യം ഒരിക്കലും അതിൻ്റെ ആധികാരികതയെയോ  അതിൻ്റെ പ്രാധാന്യത്തെയോ ചോദ്യം ചെയ്യുന്നതല്ല.  അതുകൊണ്ടുതന്നെ പത്തു കൽപ്പനകളുടെ പ്രാധാന്യത്തെ മനസ്സിലാക്കി അതിൻ്റെ ചൈതന്യത്തിൽ ജീവിക്കുക എന്നത് മാത്രമാണ് ഓരോ ക്രൈസ്തവൻ്റെയും മുന്നിലുള്ള വഴി.