ജീവിതത്തിലെ ഏറ്റവും ഉറപ്പായ യാദാര്‍ത്ഥ്യം 'മരണം'...
എന്നാല്‍ മരണത്തെക്കാള്‍ ഉറപ്പില്ലാത്ത മറ്റൊരു കാര്യം ഇല്ലതാനും!!
എത്ര അപ്രതീക്ഷിതമായാണ് ചിലരൊക്കെ നമ്മില്‍ നിന്നും വേര്‍പെട്ടുപോകുന്നത്!
അറക്കപറമ്പില്‍ അച്ചനും അങ്ങനെ ആയിരുന്നു...
അപ്രതീക്ഷിതമായ ഒരു വേര്‍പാട്‌!!!
അച്ചനെപറ്റി മധുരമുള്ള ഏറെ ഓര്‍മ്മകള്‍ മനസ്സിലുണ്ട്...
അതിലൊന്ന് ഞങ്ങള്‍ ഒരുമിച്ചു നടത്തിയ ഒരു യാത്രയാണ്.
എന്‍റെ പൌരോഹിത്യത്തിന്റെ ആദ്യദിനങ്ങളിലൊന്നില്‍ ആയിരുന്നു അത്
വയനാട്ടിലേക്ക്.. രാജേഷും ഷെനിഷും, ജോസഫും, ഞാനും പിന്നെ അച്ചനും.
എന്‍റെ പൌരോഹിത്യ സ്വീകരണത്തിന്റെ ആഘോഷമായിരുന്നു അത്.
വഴിയില്‍ ഏതോ ഒരു വലിയ ഹോട്ടലില്‍ കയറിയിട്ട്
അവിടെയുള്ള ഏറ്റവും വിശിഷ്ടമായത്‌ മാത്രം വാങ്ങി മുന്നില്‍ നിരത്തി
അച്ചനൊന്നും കഴിച്ചില്ല ... കഴിക്കാന്‍ ഞങ്ങളെ നിര്‍ബന്ധിക്കുക മാത്രം..
അത് ഇപ്പോഴും അങ്ങനെ തന്നെ ആയിരുന്നു താനും.
തിരികെ പോരും വഴി ഒരു വലിയ വാച്ചുകടയുടെ മുന്നില്‍ വണ്ടി നിര്‍ത്തി
അവിടെയുള്ളതില്‍ ഏറ്റവും വിലകൂടിയ
സ്വര്‍ണ ചെയിനുള്ള ഒരു വാച്ചു എനിക്ക് വാങ്ങിത്തന്നു.
പൌരോഹിത്യ സ്വീകരണത്തിന് എനിക്കുള്ള സമ്മാനം.
കൊടുക്കുന്നതില്‍ ഇതുപോലെ സന്തോഷം കണ്ടെത്തുന്ന
മറ്റൊരാളെ ഞാന്‍ കണ്ടിട്ടില്ല.
ആ ചിരി ഒരിക്കലും മായാതെ മനസ്സില്‍ നില്‍ക്കുന്നു....
No comments:
Post a Comment
You are Welcome to Comment