സ്നേഹത്തിൻ നിറവുള്ള സിസിലി!

സ്വർഗ്ഗീയ ദൂതന്മാർക്കൊപ്പം,
സ്തുതിഗീതങ്ങൾ പാടും,
സ്വർഗ്ഗത്തിൻ പ്രിയ പാട്ടുകാരീ,
സ്നേഹത്തിൻ നിറവുള്ള സിസിലി!

ഞങ്ങൾക്കായ് എന്നെന്നും പ്രാർത്ഥിക്കണേ,
വിശുദ്ധയാം സിസിലി പ്രാർത്ഥിക്കണേ!

മരണത്തിൻ വക്ത്രത്തിൽ പോലും,
മനസ്സിൻ്റെ ധൈര്യം കൈവിടാതെ,
ദൈവത്തിൻ സ്തുതികൾ നീ ആലപിച്ചു,
ദൈവേഷ്ടമങ്ങനെ നിറവേറ്റി നീ!

ഞങ്ങൾക്കായ് എന്നെന്നും പ്രാർത്ഥിക്കണേ,
വിശുദ്ധയാം സിസിലി പ്രാർത്ഥിക്കണേ!

സഹനത്തിൻ തീച്ചൂളയിൽ എന്നും,
വിശ്വാസം തകരാതെ സൂക്ഷിച്ചു നീ,
ദൈവ സ്നേഹത്തിൻ്റെ പൊൻ വിളക്കായി, 

ഭൂമിയിൽ എങ്ങും പ്രകാശിച്ചു നീ!

ഞങ്ങൾക്കായ് എന്നെന്നും പ്രാർത്ഥിക്കണേ,
വിശുദ്ധയാം സിസിലി പ്രാർത്ഥിക്കണേ!

ദൈവത്തിൻ സ്തുതികൾ നിരതം ആലപിക്കാൻ,
ഞങ്ങൾ, ക്രിസ്തു സ്നേഹത്തിൽ വളർന്നിടുവാൻ,
ഞങ്ങൾക്കു തുണയേകി ടേണമേ സിസിലി, 

ദേവാലയ സംഗീത മധ്യസ്ഥയെ!

ഞങ്ങൾക്കായ് എന്നെന്നും പ്രാർത്ഥിക്കണേ,
വിശുദ്ധയാം സിസിലി പ്രാർത്ഥിക്കണേ!